JW LIBRARY
Cara Mamakke JW Library—iOS
Taida ma JW Library. Aplikasi on dibahen asa boi mangurupi hamu marsiajar Alkitab. Di aplikasi on, boi do hamu mambukka akka fitur utama marhite mamillit bagian di toru ni layar.
Alkitab
Di bagian Alkitab, boi do hamu manjaha jala mandownload piga-piga terjemahan ni Alkitab. Pillit ma goar ni bukku dohot bindu piga na lao dijaha hamu. Tikki manjaha, boi do hamu mangida surat na di toru, referensi silang, dohot terjemahan ni Alkitab na asing di kolom Referensi.
Molo naeng dibukka hamu ayat na asing, pillit ma muse Alkitab lao mangida daftar ni akka bukku na adong di Alkitab.
Publikasi
Di bagian Publikasi, boi do hamu mangida sijahaon, rekaman audio, dohot video. Molo naeng manjaha publikasi, pillit ma publikasi, dung i pillit ma artikelna. Tikki manjaha, boi do hamu mambukka ayat na dibahen di artikel i. Pillit ma ayatna, dung i tarida ma ayat i di kolom Referensi. Asa boi mambukka ayat i di Alkitab, klik ma ayatna di kolom Referensi.
Lao mambukka publikasi na asing, bukka hamu ma bagian Publikasi muse asa boi mangida daftar publikasi.
Ayat Harian
Pillit bagian ayat harian lao manjaha ayat harian sadari on.
Perhimpunan
Pillit ma bagian Perhimpunan asa boi diida hamu publikasi na dia na lao diulas di parpunguan.
Online
Molo dipillit hamu bagian Online, boi ma hamu mangida akka situsnami.
Ida ma Akka Fitur na Imbaru
Asa boi mandapot akka fitur na imbaru di JW Library, ikkon dipaimbaru hamu do aplikasi di perangkatmuna.
Dumenggan do molo dipakke hamu versi iOS na imbaru di perangkatmuna. Ida ma situs na mangihut asa dapotmu gumodang hatorangan: https://support.apple.com/en-us/HT204204.
Asa mura paimbaruhon aplikasi di perangkatmuna, bukka ma pengaturan di perangkatmuna jala pillit ma pengaturan otomatis paimbaruhon aplikasi i. Ida ma situs na mangihut asa dapotmu gumodang hatorangan: https://support.apple.com/en-us/HT202180. https://support.apple.com/en-us/HT202180.
