JW LIBRARY
Mandownload dohot Mangatur Akka Publikasi—Windows
Adong marratus bukku, brosur, risalah dohot video na boi dijaha jala ditonton offline di JW Library.
Ihutton ma tudu-tudu on lao mandownload dohot mangatur akka publikasi:
Download Publikasi
Boi do tadownload akka bukku na lao tajaha jala taparsiajari offline.
Ida ma bagian menu. Pillit ma Publikasi, dung i pillit ma Kategori lao mangida daftar ni akka publikasi.
Pillit ma bagian Bahasa lao mangida akka bahasa naung rade. Pillit ma bahasa na lao taida. Bahasa na jotjot tapakke somalna adong di urutan na parjolo. Alai, boi do hita mamillit bahasa marhite mengetik goar ni bahasa i.
Adong piga-piga cara lao mangida publikasi di JW Library.
Molo tapillit bagian Kategori, boi ma taida akka publikasi na dipasada tu bagian Bukku, Risalah, manang Video. Molo tapillit sada-sada bagian, adong ma muse sipilliton. Umpamana, Menara Pengawal taon sadia manang Video na marragam. Pillit ma Semua asa mulak tu daftar na parjolo.
Molo tapillit bagian Terbaru, boi ma taida publikasi na baru di bahasa na tapakke.
Molo dang tadownload dope publikasi i, adong do gambar awan. Klik ma publikasi molo lao mandownload. Molo nungnga tadownload, mago ma gambar awan i. Klik ma muse publikasi i molo lao manjaha.
Molo tapillit Terdownload, boi ma taida publikasi naung tadownload di bahasa na tapillit. Adong do muse daftar Sering Digunakan, Jarang Digunakan, manang Ukuran Terbesar.
Hapus Publikasi
Molo dang tahaporluhon sada-sada publikasi manang dang siat be ruang penyimpanan, boi do tahapus.
Ida ma bagian menu. Pillit ma Publikasi, dung i pillit ma publikasi di bagian na dia na lao dihapus. Pillit ma tanda na adong di publikasi na lao dihapus, dung i pillit ma Hapus.
Molo dang siat ruang penyimpanan, hapus ma publikasi na jarang tapakke manang na balga ukuranna. Pillit ma fitur Publikasi, bukka ma bagian Terdownload, dung i pillit ma bagian Jarang Digunakan manang Ukuran Terbesar. Hapus ma publikasi na so tahaporluhon be.
Paimbaruhon Publikasi
Ikkon ringgas do hita paimbaruhon akka publikasi naung tadownload.
Molo nungnga adong publikasi na dipaimbaru, tarida ma gambar panah na melingkar. Molo taklik publikasi, dipatudu ma tu hita na boi do publikasi i dipaimbaru. Klik ma Download lao paimbaruhon, manang klik Nanti molo holan lao manjaha.
Lao mangida atik boha adong publikasi na porlu dipaimbaru, pillit ma bagian Publikasi. Molo adong publikasi na so tapaimbaru dope, tarida do i di bagian Belum Diperbarui. Pillit ma bagian on lao mangida sude publikasi na so dipaimbaru dope. Lao paimbaruhon, klik ma publikasi na lao tapaimbaru, manang klik ma tanda Perbarui Semua lao paimbaruhon sude publikasi.
Fitur on nungnga dirilis di bulan Maret 2015 di JW Library 1.4, na pas tu Windows 8.1 manang na baru. Molo dang adong diida hamu fitur on, ihutton ma tudu-tudu di artikel “Cara Mamakke JW Library—Windows”, di judul Ida ma Akka Fitur na Imbaru..
