Aplikasi JW Library boi do dipasang di perangkat na mamakke sistem operasi na di toru on:

• Android 7.0 manang na terbaru

• iOS 15.0 manang na terbaru

• macOS M1 manang chip na terbaru

• Windows 10 versi 1903 manang na terbaru

Asa boi aplikasi JW Library on aman jala tetap boi dipakke, dang boi torus taandalhon sistem operasi dohot perangkat naung leleng. Jala sipata ikkon taupdate do persyaratan minimum ni perangkatta asa boi tapadalan aplikasi. Alani i, dianjurhon hami do asa diupdate hamu sistem operasi ni perangkatmuna tu versi na terbaru. Molo dang boi diupdate perangkatmuna i JW Library versi na terbaru, tetap dope boi dipakke hamu aplikasi i. Alai molo adong muse update na terbaru, dang boi be i dijalo perangkatmuna i.

Molo adong masalahmuna tikki mandownload file audio manang video, ihutton ma akka langkah na mangihut lao mamastihon molo pengaturan ni perpustakaan Video dohot Musik na di Windows nungnga sittong jala nungnga dipillit di JW Library.

1. Bukka ma File Explorer na di Windows, klik ma tombol Lihat, dung i klik ma Panel navigasi jala pillit ma bagian Tampilkan Pustaka.

2. Klik ma bagian Pustaka na adong di sabola kiri.

3. Idaonmuna ma disi folder Musik dohot Video. Molo dang adong folder on disi, klik kanan ma di bagian Pustaka, jala klik ma Kembalikan pustaka default.

4. Klik kanan ma di bagian folder Video, klik ma Properti, jala parrohahon ma folder na di toru ni lokasi Pustaka. Boi do muse diperiksa hamu lokasi ni folder on di pengaturan ni JW Library. Dung i klik ma Kembalikan Default.

5. Klik kanan ma di bagian folder Musik, klik ma Properti, jala parrohahon ma folder na di toru ni lokasi Pustaka. Boi do muse diperiksa hamu lokasi ni folder on di pengaturan ni JW Library. Dung i klik ma Kembalikan Default.

Na parpudi, ihutton ma akka langkah-langkah on lao mamastihon molo perpustakaan Video dohot Musik nungnga dipillit di pengaturan ni JW Library:

1. Bukka ma JW Library, dung i klik ma tombol Pengaturan.

2. Di bagian Pengaturan, pastihon ma molo bagian Download audio diatur tu lokasi perpustakaan Musik jala bagian Download video diatur tu lokasi perpustakaan Video dos songon na diida hamu di File Explorer na sebelumna.

Molo tetap dope bermasalah tikki hamu mandownload file audio dohot video, pastihon ma na diizinkan hamu menyimpan file tu folder Musik dohot Video marhite mambahen sada file na baru di setiap folder i. Lao mamboto keterangan na lebih lengkap, ida ma bagian bantuan Microsoft manang sukkun ma donganmuna na mamboto taringot Windows.