Adong do Diajarhon di Bibel Taringot Reinkarnasi?
Na didok Bibel
Dang adong. Dang adong hata “reinkarnasi” manang ajaran taringot i disurat di Bibel. Ala adong do ajaran na mandok mangolu dope tondi ni na mate, gabe porsea ma halak tu reinkarnasi. a Alai takkas do dipaboa di Bibel, sian orbuk do jolma dibahen. Alani i molo dung mate jolma, mulak tu orbuk do nasida jala dang diboto be agia aha. (1 Musa 2:7; Hesekiel 18:4) Jadi molo nga mate sasahalak dang adong be bagian sian dirina na tetap mangolu.—1 Musa 3:19; Parjamita 9:5, 6.
Aha do beda ni reinkarnasi dohot haheheon?
Didok di Bibel tondi parbadia do na dipakke Debata lao mambahen hehe halak naung mate. Jadi dang ikkon toktong mangolu tondi ni na mate asa boi dipahehe. (Mateus 22:23, 29; Ulaon ni Apostel 24:15) Molo nungnga dipahehe Debata sasahalak, boi ma ibana mangolu salelengna di paradeiso jala dang na lao mate be ibana.—2 Petrus 3:13; Pangungkapon 21:3, 4.
Pandapot na sala na mandok sian Bibel do ajaran reinkarnasi
Pandapot na sala: Adong do dipaboa di Bibel, reinkarnasi ni si Elia do si Johannes Pandidi.
Na sasittongna: Memang hea do dipaboa Debata surirang na mandok, “Suruokku ma tu hamu Panurirang Elia.” Jala takkas do dipaboa Jesus, si Johannes Pandidi do na lao pasautton surirang i. (Maleaki 4:5, 6; Mateus 11:13, 14) Alai dang boi tadok surirang on patuduhon na reinkarnasi ni si Elia do si Johannes Pandidi. Alana si Johannes Pandidi pe mandok dang si Elia ibana. (Johannes 1:21) Holan na sarupa do tugas na dilehon Debata tu nasida na dua, pasingotton akka halak asa muba. (1 Raja-Raja 18:36, 37; Mateus 3:1) Jala didok do muse taringot si Johannes Pandidi, “huasona songon huaso ni si Elia”.—Lukas 1:13-17.
Pandapot na sala: Istilah ‘ditubuhon muse’ na disurat di Bibel sebenarna lao paboahon taringot reinkarnasi do.
Na sasittongna: Istilah ‘ditubuhon muse’ na disurat di Bibel sebenarna lao paboahon taringot hubungan baru ni sasahalak tu Debata. Jala tikki mangolu do sasahalak ditubuhon muse. (Johannes 1:12, 13) Dang alani dosa ni sasahalak di tikki najolo umbahen na ditubuhon ibana muse. Gariada pasu-pasu ni Debata do i. Jala dang tu sude halak dilehon Debata pasu-pasu on. Molo ditubuhon muse sasahalak, lehonon ni Debata ma harapan na istimewa tu ibana.—Johannes 3:3; 1 Petrus 1:3, 4.
a Najolo sian Babel do ajaran na mandok mangolu dope tondi ni na mate dohot ajaran taringot reinkarnasi. Di pudian ni ari, dipaboa akka filsuf na sian India ma ajaran taringot Karma. Songon on ma na didok Britannica Encyclopedia of World Religions taringot Karma, “Hukum sebab-akibat do i, manang aha pe na diulahon sasahalak tikki mangolu, pasti berpengaruh do i tu ibana molo nungnga direinkarnasi.”—Halaman 913.
Mungkin Lomo do Rohamuna Mamboto
AJARAN NI BIBEL NA PENTING
Aha do na Masa tu Halak Naung Mate?
Bibel mandok lao dipahehe manang mangolu do muse halak naung mate songon na masa tu si Lasarus.
ALUS NI BIBEL
Aha do Maksudna Halak na Mate Dipahehe?
Mungkin sukun-sukkun do rohamuna akka ise do na lao dipahehe haduan.
KEGIATAN KHUSUS
Coba ma Marsiajar Bibel Dohot Hami
Dohot ma hamu marsiajar Bibel gratis na langsung diurupi sasahalak.