Nang pe dang hea dipaboa di Bibel na menikah do Jesus manang na dang, boi do tapastihon na so menikah a Jesus. On ma piga-piga alasanna.

1.   Jotjot do dipaboa di Bibel taringot omak dohot akka anggi ni Jesus, taringot akka borua na mangurupi Jesus tikki marbarita, dohot akka borua na jongjong di jonok ni hau partinaonan ni Jesus. Alai dang hea dipaboa Bibel taringot istri ni Jesus. (Mateus 12:46, 47; Markus 3:​31, 32; 15:40; Lukas 8:​2, 3, 19, 20; Johannes 19:25) Boasa songon i? Pasti ma ala dang hea Jesus menikah!

2.   Songon on ma na didok Jesus tu akka siseanna taringot halak na so menikah asa boi unggodang tikkina melayani Debata, “Manang ise na olo mangulahon sisongon i [dang marhasohotan], diulahon ma i.” (Mateus 19:10-​12) Dibahen Jesus do sitiruon tu akka halak na mamillit dang menikah, asa boi unggodang tikkina melayani Debata.​—Johannes 13:15; 1 Korint 7:​32-​38.

3.   Sebelum mate Jesus, dipangido ibana do asa diurus si Johannes omakna. (Johannes 19:25-​27) Molo nungnga adong istri manang gelleng ni Jesus, pasti dipangido Jesus do tong asa dohot nasida diurus.

4.   Hea do disurat di Bibel gabe sitiruon do Jesus tu akka suami. Alai dang cara ni Jesus makkaholongi istri na dipaboa disi. Gariada didok do, “Hamu akka suami, sai haholongi ma istrimuna songon Kristus na makkaholongi huria i jala na mangalehon dirina humokkop i.” (Epesus 5:​25) Molo tutu adong istri ni Jesus, pasti ma cara ni Jesus makkaholongi istrina na dipaboa di ayat i.

 Adong. Onom ma paling otik adekna. Termasuk ma i si Jakobus, si Josep, si Simon, si Judas, dohot paling otik dua adekna borua. (Mateus 13:54-​56; Markus 6:3) Akka adek ni Jesus on, i ma na ditubuhon si Maria sian si Josep suamina. (Mateus 1:​25) Didok Bibel, ‘anak siakkangan’ ni si Maria do Jesus. On patuduhon adong do gelleng ni si Maria na asing.​—Lukas 2:7.

 Ala adong ajaran na mandok perawan do si Maria saleleng ni ngoluna, gabe marragam do pandapot ni halak taringot haha anggi ni Jesus. Misalna, adong do halak na mandok, nungnga margelleng hian si Josep sebelum menikah ibana tu si Maria. Jadi adong do sebenarna akka abang ni Jesus. Alai takkas do dipaboa di Bibel, Jesus do na gabe ahli waris na sah na lao gabe raja manggattihon si Daud ompuna i. (2 Samuel 7:​12, 13; Lukas 1:​32) Molo tutu do naung adong hian gelleng ni si Josep sebelum menikah ibana tu si Maria, tottu gellengna i ma na gabe ahli waris na sah.

 Adong muse na mandok, istilah “akka anggi” ni Jesus na disurat di Bibel maksudna akka siseanna do. Alai maralo do on tu na tarsurat di Bibel. Alana hea do didok di Bibel, “Dang porsea akka anggina i tu ibana.” (Johannes 7:5) Jala takkas do dipatudu di Bibel na so sarupa akka sisean ni Jesus tu akka anggina.​—Johannes 2:​12.

 Jala adong do na mandok istilah “akka anggi” ni Jesus sebenarna dang anggina kandung. Tubu ni bapa uda, bapa tua, inang uda, manang inang tua ni Jesus do i. Alai molo tu akka anggi sisongon i, istilah “keluarga” do na dipakke di Perjanjian Baru. (Lukas 21:16; Kolosse 4:​10) Godang sarjana Alkitab mangakkui, toho do istilah “akka anggi” dohot “akka iboto” ni Jesus lao patuduhon sude anggi ni Jesus kandung. Misalna didok do di The Expositor’s Bible Commentary, “Lapatan na sittong tu istilah ‘akka anggi’ ni Jesus . . . i ma tubu ni si Maria dohot si Josep. Jadi memang akka anggi ni Jesus na saomak do nasida.” b