Piga-piga halak na hea mati suri mandok, hira na kaluar ma dihilala nasida tondina sian pamatangna. Adong muse na mandok, hira diida nasida do cahaya na torang. Manang na asing muse mandok, hira mangida sada inganan na massai uli nasida. Bukku Recollections of Death mandok, “Gabe dianggap nasida ma mati suri i sada kesempatan na luar biasa, ala boi mangida songon dia hangoluan dukkon hamatean.” Memang dang hea dipaboa di Bibel pengalaman ni sasahalak na hea mati suri. Alai adong do dipaboa Bibel ajaran na sittong na boi mangurupi hita mamboto, dang patuduhon hangoluan dukkon hamatean akka na diida nasida i.

 Dang diboto halak na mate agia aha.

Bibel mandok, “Alai anggo na mate, dang diboto agia aha.” (Parjamita 9:5) Dang adong dipaboa di Bibel taringot tondi ni jolma na so boi mate. Alani i tikki mate hita, dang taboto be manang aha jala dang adong be hita manang didia pe. Dang gabe kaluar tonditta sian pamatangta jala lao tu alam roh. (Hesekiel 18:4) Sian on gabe taboto ma, dang hangoluan dukkon hamatean na diida halak na mati suri, jala dang surgo manang narokko na diida nasida i.

 Aha do na didok si Lasarus taringot hangoluan dukkon hamatean?

Di Bibel, disurat do taringot si Lasarus na sanga mate piga-piga ari. Alai dukkon opat ari, dipahehe Jesus ma ibana. (Johannes 11:38-​44) Molo tutu do lao tu alam roh jala marlas ni roha disi, berarti halak na kejam ma Jesus ala dipahehe ibana. Alai molo tajaha di Bibel, dang hea dipaboa si Lasarus songon dia pengalamanna dukkon mate. Molo tutu do ibana lao tu alam roh, pasti paboaonna do i tu na asing. Gariada didok Jesus, sarupa do si Lasarus songon halak na modom. Hata na i patuduhon, dang diboto si Lasarus manang aha pe tikki mate ibana.​—Johannes 11:11-​14.