Toho do Jesus Mate di Hau Pinarsilang?
Na didok Bibel
Didok roha ni godang halak, silang manang salib do tanda ni halak Kristen. Hape dang hea dipaboa di Bibel songon dia bentuk ni hau na dipakke lao manggattung Jesus. Jadi dang adong na mamboto songon dia bentuk ni hau i. Alai adong do bukti na tarsurat di Bibel na patuduhon dang di hau pinarsilang Jesus mate.
Bahasa Junani ni hau na dipakke lao manggattung Jesus, i ma stauros. (Mateus 27:40; Johannes 19:17) Godang do halak na menerjemahon hata stauros gabe “silang” manang “salib”. Alai godang do sarjana Alkitab na mandok hata stauros on lapatanna, i ma “sada hau na tigor”. a Menurut A Critical Lexicon and Concordance to the English and Greek New Testament, “dang dua hau na disilangkon” lapatan ni hata stauros.
Adong do muse Bahasa Junani na asing na sarupa lapatanna tu hata stauros, i ma hata xylon. (Ulaon ni Apostel 5:30; 1 Petrus 2:24) Lapatan ni hata xylon, i ma “hau”, “balok”, manang “tiang”. b Songon on ma kesimpulan ni The Companion Bible, “Dang hea dipaboa di Perjanjian Baru Bahasa Junani, na dua hau do silang i”.
Lomo do roha ni Debata molo tapakke silang tikki manomba Ibana?
Sada hau na dipakke lao manguhum parjahat, di Bahasa Latin digoari ma i crux simplex
Manang songon dia pe bentuk ni hau na dipakke lao manggattung Jesus, dang boi sebenarna tapakke silang tikki manomba Debata. On ma akka bukti dohot akka ayat ni Bibel na patuduhon i.
Sogo do roha ni Debata molo tapakke akka gambar, patung, manang silang tikki manomba Ibana. Najolo diorai Debata do halak Israel mamakke “patung na suman tu manang aha pe” lao manomba Ibana. Jala didok Debata do muse tu halak Kristen di abad na parjolo asa ‘pasidikkon ulaon manomba akka patung’.—5 Musa 4:15-19; 1 Korint 10:14.
Dang hea halak Kristen di abad na parjolo mamakke silang lao manomba Debata. c Ikkon diihutton halak Kristen saonari do ajaran dohot sitiruon ni akka apostel.—2 Tessalonik 2:15.
Hasomalan ni sipelebegu do mamakke silang tikki manomba Debata. d Marratus taon dung mate Jesus, nungnga manimbil be ajaran ni akka gareja sian ajaran ni Kristus. Jala diloas nasida do akka anggota na baru “mamakke akka tanda, gambar, manang patung na dipakke di agama sipelebegu”, termasuk ma i silang manang salib. (The Expanded Vine’s Expository Dictionary of New Testament Words) Alai sebenarna diorai do di Bibel mamakke akka tanda ni sipelebegu, nang pe tujuanna lao mambahen nasida gabe halak Kristen.—2 Korint 6:17.
a Ida ma New Bible Dictionary, Edisi Patoluhon, na diedit D. R. W. Wood, halaman 245; Theological Dictionary of the New Testament, Jilid VII, halaman 572; The International Standard Bible Encyclopedia, Edisi Revisi, Jilid 1, halaman 825; dohot The Imperial Bible-Dictionary, Jilid II, halaman 84.
b Ida ma The Expanded Vine’s Expository Dictionary of New Testament Words, halaman 1165; A Greek-English Lexicon, karya Liddell dohot Scott, Edisi Pasiahon, halaman 1191-1192; dohot Theological Dictionary of the New Testament, Jilid V, halaman 37.
c Ida ma Encyclopædia Britannica, 2003, entri “Cross”; The Cross—Its History and Symbolism, halaman 40; dohot The Companion Bible, Oxford University Press, apendiks 162, halaman 186.
d Ida ma The Encyclopedia of Religion, Jilid 4, halaman 165; The Encyclopedia Americana, Jilid 8, halaman 246; dohot Symbols Around Us, halaman 205-207.
Mungkin Lomo do Rohamuna Mamboto
NA JOTJOT DISUKKUN HALAK
Boasa Saksi Jahowa Dang Mamakke Silang di Panombaon Nasida?
Nang pe halak Saksi Jahowa Kristen, alai dang dipakke hami silang tikki manomba Debata. Boasa?
AJARAN NI BIBEL NA PENTING
Boasa Ingkon Mate Jesus?
Nungnga diboto hamu ra, mate pe Jesus lao paluahon hita do sian dosa. Alai boi do hamatean ni sada halak paluahon marmiliar halak?
NA DIAJARHON DI BIBEL
Coba ma Marsiajar Bibel Dohot Hami
Dohot ma hamu marsiajar Bibel gratis na langsung diurupi sasahalak.