Akka Ende sian si Salomo 6:1-13
6 “Ale siboru na massai uli,Tudia do lao haholonganmi?
Doppak dia do ibana lao?
Asa dohot hami mangalului.”
2 “Tu ladang do lao haholongakki,Tu inganan na godang tubu rempah-rempah,Tu ladang do ibana lao marmahan biru-birunaHuhut papunguhon bunga lili.+
3 Au do nappuna haholongakki,Jala ibana do nappuna au.+
Diparmahani ibana do biru-biruna di tonga-tonga ni akka bunga lili.”+
4 “Massai uli do ho ale hasian+ dos songon kota Tirza,*+Dos songon uli ni kota Jerusalem,+Jala dos do ho songon tentara na maol ditaluhon.+
5 Unang ma sai ida au,+Tikki diida ho au, gabe mallobok do taroktokku.
Dos songon punguan ni akka hambing do obukmuNa turun sian dolok-dolok Gilead.+
6 Bottar jala bagak do ngingim songon punguan ni biru-biruNa baru diparidi,Denggan do i sude tarsusunJala dang adong na mago.
7 Bohim pe dos do songon buah delimaTarida do i sian balik ni salendangmu.
8 Adong do 60 ratuDohot 80 gundikkuJala godang dope akka borua na poso.+
9 Alai holan sada do darapatikku,+ na uli di au.
Boru hasian ni omakna do ibana.
Jala haholongan ni* borua na manubuhon ibana.
Dibereng akka borua na asing ma ibana, jala dipuji nasida do ibana,Akka ratu dohot akka gundik pe, dohot do mamuji ibana.
10 ‘Dos songon mataniari na marsinondang* do ibana,Massai uli dos songon bulan purnama,Dos songon tiur ni mataniari,Jala songon tentara na maol ditaluhon do ibana.’”+
11 “Lao ma au tu ladang na godang hau na marparbue+Lao mangida akka suan-suanan na baru tubu di rura,Lao mangida atik naung martunas hau anggur,Jala mangida atik naung marbunga hau delima.
12 Hape sian na so pamotoakku,Nungnga sahat auTu kareta ni akka halak na sangap.*
13 Ro ma ho, ro ma ho, ale boru Sulam!
Ro ma ho, ro ma ho,Asa boi diida hami ho muse!”
“Boasa lomo rohamuna mangida boru Sulam?”+
“Molo mangida ibana, dos do songon mangida dua pasukan tentara na manortor!”
Surat na di toru
^ Manang “Kota na Mambahen Las Roha”.
^ As. “Jala ias do ibana di”.
^ As. “na mangida tu toru”.
^ Manang “na rade”.
