Akka Ende sian si Salomo 7:1-13
7 “Massai uli do patmu mamakke solopmi,Ale boru ni raja!
Massai uli do parlekkuk ni gottingmu dos songon perhiasan,Na dibahen sahalak tukkang perhiasan.
2 Pusokmu dos do songon makkuk
Anggiat ma i toktong marisi anggur.
Butuham dos do songon gandum na dipapungu,Di tonga-tonga ni akka bunga lili.
3 Susum pe dos do songon dua anak ni rusaSongon anak ni kijang na kembar.+
4 Rukkungmu+ dos do songon menara na dibahen sian gading.+
Matam+ dos do songon kolam na di Hesbon,+Na di pintu gerbang ni Bat-rabim.
Igungmu dos do songon menara Libanon,Na doppak Damaskus.
5 Ulum dos do songon Dolok Karmel,+Jala obukmu*+ dos do songon wol na ungu.+
Obukmu na ganjang i mambahen tarpangan roha ni raja.
6 Massai uli do ho ale hasianku,Sian sude borua na bagak ho do na ubbagak!
7 Bentuk ni badanmu pe dos do songon hau palem,Jala susum pe dos do songon tandan ni kurma.+
8 Dung i hudok ma, ‘Jakkitokku ma hau palem iLao mambuat parbuena.’
Susum dos do songon tandan ni buah anggur,Hosam dos do songon angur ni appel,
9 Jala pamanganmu* dos do songon anggur na dumenggan.”
“Anggiat ma i lambok manetek tu haholongakki,Jala lambok sahat tu bibir ni halak na modom.
10 Haholongakki do nappuna au,+Jala lomo do rohana tu au.
11 Ro ma ho ale hasian,Beta ma hita lao tu ladang,Marborngin ma hita di tonga-tonga ni akka bunga na angur.*+
12 Beta, hatop ma hita dungo manogotna i asa lao hita tu ladang anggur,Lao mangida atik naung martumbur hau anggur,Atik naung kabbang akka bunga,+Atik naung marbunga hau delima.+
Disi ma patuduhonokku holong ni rohakku tu ho.+
13 Nungnga angur be buah dudaim.+Jala adong do akka buah na massai denggan+ di jonok ni pintu ni jabutta.
Adong do akka buah na baru diputik dohot naung leleng diputik, ale hasianku,Jala nungnga hupapulik i lao di ho.
