Akka Ende sian si Salomo 8:1-14
-
Boru Sulam (1-4)
-
“Autsugari ma nian ibotokku ho” (1)
-
-
Akka iboto ni boru Sulam (5a)
-
‘Ise do na makkaol haholonganna i?’
-
-
Boru Sulam (5b-7)
-
“Holong i dos songon hamatean” (6)
-
-
Akka iboto ni boru Sulam (8, 9)
-
“Molo tembok do ibana, . . . alai molo pintu do ibana, . . .” (9)
-
-
Boru Sulam (10-12)
-
“Dos songon tembok do au” (10)
-
-
Parmahan (13)
-
‘Tarpaima do au membege soaram’
-
-
Boru Sulam (14)
-
“Marlojong ma ho songon kijang”
-
8 “Autsugari ma nian ibotokku hoNa manusu tu omakku!
Molo pajuppang au dohot ho di luar, jala huumma ho,+Dang adong na mangissaki au.
2 Toguokku ma ho,Jala boanokku ma ho tu jabu ni omakku,+Ibana do na mangajari au.
Lehonokku ma tu ho anggur,Dohot aek ni buah delima.
3 Lambok do tangan kirina manjama ulukku,Jala tangan kananna makkaol au.+
4 Ale akka boru Jerusalem, marsumpa ma hamu tu au,
Unang ma bahen hamu tubu holong di bagasan rohakku andorang so tikkina dope.”+
5 “Ise do na ro na sian gurun i,Na makkaol haholonganna?”
“Hudungoi ma ho di bona ni hau appel.
Disi do ho ditubuhon omakmu.
Jala haccit do dihilala omakmu tikki manubuhon ho disi.”
6 Bahen ma au songon materai di roham,Jala songon materai di tanganmu.Ai gogo do holong i dos songon hamatean,+Jala holong na togu, dos do i songon Kuburan.*
Dos songon api na marsigorgor do i, api na sian Jahowa.*+
7 Aek na margalumbang pe, dang boi pamatehon holong i,+Sunge na doras pe, dang boi mangauppon i.+
Molo adong sasahalak na naeng manuhor holong i marhite hamoraonna,Gabe marlea do i.*
8 “Adong do sada ibotonami+Alai dang adong dope susuna.*
Aha do na ikkon bahenonnamiMolo adong na ro manopot ibana?”
9 “Molo tembok do ibana,Bahenonnami ma benteng na sian perak manjaga ibana.Alai molo pintu do ibana,Bahenonnami ma palang na sian hau ares mangalinggomi ibana.”
10 “Dos songon tembok do au,Jala susuku dos songon menara.
I do alana songon sahalak boruaNa mandapot hadameon do au di haholongakki.
11 Adong do ladang anggur ni si Salomo+ di Baal-hamon.
Disuru ibana do akka halak lao mangurus i.
Jala tikki marparbue, ikkon dilehon ganup halak do saribu keping perak.
12 Ale Salomo, ho do nappuna 1.000 keping perak* i,
Dohot 200 keping perak na sian akka na mangurus i.Alai molo au, adong do porlak anggurhu sandiri.”
13 “Ale ho na tinggal di akka ladang,+Tarpaima do akka donganku* membege soaram.
Songon i do nang au.”+
14 Pahatop ma hasian,Marlojong ma ho songon kijang+Manang songon anak ni rusa jantanDi atas ni dolok na godang tubu akka rempah-rempah.”
Surat na di toru
^ Manang “Jah”. “Jah” singkatan goar ni Jahowa. Ida Lampiran A5.
^ Manang boi do “ibana”.
^ Manang “dang magodang dope”.
^ As. “1.000”.
^ Manang boi do “akka donganmu”.
