Jeremia 12:1-17
12 Ale Jahowa, Debata na tigor roha do Ho.+ Tikki hupaboa holso ni rohakku tu Ho,Jala tikki husukkun taringot tu panguhumanmu toktong do Ho tigor.
Alai boasa ma marhasil halak na jahat i,+Jala boasa ma dang adong arsak ni halak na berhianat?
2 Disuan Ho do nasida, jala gabe marurat ma nasida.
Tubu ma nasida jala marparbue.
Sai dihatahon nasida do taringot tu Ho, alai ianggo roha* ni nasida mandao do sian Ho.+
3 Alai takkas do ditanda Ho au ale Jahowa,+ diida Ho do au,Dipareso Ho do rohakku jala hulehon do sude rohakku tu Ho.+
Papulik ma nasida dos songon papulikkon biru-biru na lao diseat,Papulik ma i, paima dapot tikki pamotongon.
4 Sadia leleng nai pasombuonmu koring luat on,Jala sadia leleng nai pasombuonmu malos akka suan-suanan na di ladang?+
Ai alani hajahaton na masa di luat i,Nungnga mate be sude akka binatang liar dohot akka pidong.
Ai didok nasida do, “Dang diida Ibana na masa tu hita.”
5 Dung i didok Debata ma tu au, “Molo loja do ho marlojong rap dohot jolma,Songon dia ma boi bahenonmu marlumba rap dohot hoda?+
Sonang do dihilala ho tinggal di luat na dame,Alani i, aha ma na ikkon ulahononmu molo tinggal ho di tonga-tonga ni akka suga-suga na di tombak di labbung ni Sunge Jordan?
6 Ai haha anggim sandiri na sian keluarga ni bapakmu,Nasida do na menghianati ho.+
Diburai nasida do ho.
Unang ma porsea ho tu nasida,Nang pe didok nasida na denggan tu ho.”
7 “Nungnga hutinggalhon be jabukki,+ jala nungnga hupasombu be bangsokki.*+
Nungnga hupasahat be bangso na huhaholongi i tu tangan ni akka musuna.+
8 Nungnga songon singa na di tombak be bangsokki.
Marauang do ibana tu Au.
Alani i gabe sogo ma rohakku tu ibana.
9 Dos songon pidong siallang bakke na marbintik-bintik do bangsokki,Ro do akka pidong siallang bakke na asing jala diserang ma nasida.+
Ro jala marpungu ma hamu sude akka binatang buas na di gurun,Ro ma hamu tuson lao mangan.+
10 Ro do godang akka parmahan lao mambahen hancur ladang anggurhi,+Didege-dege nasida do tano parbagiananki.+
Dibahen nasida do tano parbagiananku na massai arga i gabe songon tano na tarulang.
11 Nungnga gabe inganan na harsang be luat i di jolokku,
Inganan na koring,*Jala inganan naung tarulang.+
Nungnga tarulang be sude luat i,Jala dang adong nanggo sahalak pe na parduli tusi.+
12 Nungnga ro akka halak na mambahen hancur i sian dalan na jotjot dilewati di gurun,Ai nungnga ro podang ni Jahowa menyerang sude luat on mulai sian ujung sahat tu ujung.+
Dang adong nanggo sahalak pe na dame ngoluna.
13 Disabur nasida do gandum, alai ramba na marsuga-suga do na dipanen nasida.+
Nungnga sappe satonga mate nasida karejo, alai dang marlapatan sude ulaonna i.
Maila ma nasida ala so adong dapot ni nasida tikki panen,Ai nungnga marsigorgor muruk ni Jahowa tu nasida.”
14 Songon on ma hata ni Jahowa, “Taringot tu sude bangso na jahat na di labbung ni Israel i, na manegai tano parbagiananku na hulehon tu bangsokku Israel,+ cabutokku ma nasida sian tano ni nasida.+ Jala cabutokku ma halak Juda sian tonga-tonga ni nasida.”
15 Alai molo dung hupalao* nasida, patuduokku ma muse asi ni rohakku tu nasida. Boanokku ma ganup sian nasida mulak tu luat ni nasida tu tano parbagianan ni nasida.”
16 “Molo diparsiajari akka bangso i do pangalaho ni bangsokki jala marsumpa nasida di bagasan goarhu didok nasida songon on, ‘Songon pastina Jahowa mangolu!’* dos songon na diulahon nasida najolo tu bangsokki, i ma mangajarhon bangsokki lao marsumpa di bagasan goar ni Baal, mandapot inganan ma nasida di tonga-tonga ni bangsokki.
17 Alai molo dang dioloi nasida hatakki, palaookku* ma bangso i jala pamateonku ma nasida sude,” ninna Jahowa.+
Surat na di toru
^ As. “ginjal”.
^ Manang “appunakki”.
^ Manang boi do “Nungnga mangandungi be tanokki”.
^ As. “hucabut”.
^ Sumpa on patuduhon pasti do ikkon saut janji on, songon pastina Debata mangolu.
^ As. “cabutokku”.
