Jeremia 14:1-22
14 Songon on ma hata ni Jahowa tu si Jeremia taringot tu logo ni ari,+
2 Mangandungi+ ma Juda jala nungnga ruppak be akka gerbangna.
Nungnga dabu be i tu tano jala lungun do rohana.Tarbege ma soara ni na mangandungi sian Jerusalem.
3 Disuru akka tuan ni nasida ma parkarejona lao mangalului aek.
Lao ma nasida tu akka sumur, alai dang dapot ni nasida aek disi.
Diboan nasida ma mulak kosong inganan ni aekna i.
Maila ma nasida jala marsak,Ditutupi nasida ma ulu ni nasida.
4 Ai nungnga retak be akka tano,Dang hea ro udan di luat i,+Busisaon do akka partani jala ditutupi nasida do ulu ni nasida.
5 Haru rusa boru-boru na baru maranak di ladang pe, ditadikkon do anakna na baru tubu.Ala so adong ramba na tubu disi.
6 Jongjong ma halode liar di atas ni dolok-dolok.
Hosa-hosa ma ibana songon anjing hutan,Pola do loja matana ala dang adong dapotna ramba.+
7 Nang pe dosanami sandiri patuduhon na marsala hami,Urupi ma hami alani goarmi,+ ale Jahowa.
Ai nungnga tung massai jotjot hami dang setia di jolom,+Jala nungnga mardosa hami tu Ho.
8 Ale haposan ni Israel, Sipalua+ di tikki hasusaan,Boasa ma gabe songon halak na sian bangso na asing Ho di luat on,Songon sasahalak na maradi di bagasan saborngin?
9 Boasa ma gabe songon bawa na tarhatotong Ho?Songon sahalak bawa na gogo na so boi paluahon hami?
Hape di tonga-tonganami do Ho, ale Jahowa,+Jala hami do bangso na mamakke goarmu.+
Unang ma tinggalhon hami.
10 Songon on ma hata ni Jahowa taringot tu bangso on, “Las do roha ni nasida mardalan tusan tuson,+ dang olo so pat ni nasida.+ Alani i dang lomo roha ni Jahowa mangida nasida.+ Saonari, ingoton ni Debata ma hasalaan ni nasida jala hukumonna ma nasida alani dosa ni nasida.”+
11 Dung i didok Jahowa ma muse tu au, “Unang pola martangiang ho lao mangido na denggan tu bangso on.+
12 Di tikki marpuasa nasida, dang tangihonokku pangidoan ni nasida.+ Di tikki dilehon nasida pelean situtungon dohot pelean sipanganon,* dang lomo rohakku tu akka peleanna i.+ Ai parookku do podang, haraparon, dohot sahit lao pamatehon nasida sude.”+
13 Alani i hudok ma, “Ale Jahowa, Tuan Natumimbul! Didok akka panurirang do tu nasida, ‘Dang na lao idaonmuna podang, jala dang na lao masa haraparon tu hamu. Alai lehonon ni Debata do hadameon na sasittongna tu luat on.’”+
14 Dung i didok Jahowa ma tu au, “Dipaboa akka panurirang i do akka na lao masa di bagasan goarhu.+ Alai gabus do na nidok ni nasida i. Dang adong husuru nasida, dang adong huparettahon nasida jala dang adong Au makkatai tu nasida.+ Dang sittong parnidaan na pinaboa ni nasida i, dang sittong ramalanna i.+ Na dikarang-karang nasida do i lao mangoto-otoi.
15 Nang pe dang husuru nasida, alai dipaboa nasida do akka na lao masa di bagasan goarhu. Didok nasida do dang na lao ro podang dohot haraparon tu luat on. Alani i, Au Jahowa, songon on ma hatakku taringot tu akka panurirang i, ‘Parookku ma podang dohot haraparon lao pamatehon nasida sude.+
16 Jala mate do bahenokku akka halak na manangihon hata ni akka panurirang i. Disappatton ma nasida tu akka dalan na di Jerusalem. Mate ma nasida alani haraparon dohot podang, jala dang adong na lao makkuburhon nasida.+ Masa ma i tu nasida, tu istri ni nasida, tu anakna, dohot tu akka boru ni nasida. Ai parookku ma hasusaan na patut masa tu nasida.’+
17 “Songon on ma dokkon tu nasida,‘Lok ma sai tarilu-ilu au arian nang borngin,+Ai nungnga songon halak na dipukkul massai gogo bangsokki.*+Jala massai parah situtu lukkana.
18 Molo lao au tu ladang,Huida ma bakke ni akka halak na hona bunu alani podang!+
Molo lao au tu kota,Huida ma halak na marsahit alani haraparon!+
Ai nungnga lao be panurirang songon i nang akka malim tu luat na so ditanda nasida.’”+
19 Na so olo be Ho manjalo halak Juda i, manang naung magigi do Ho mangida Sion?+
Boasa massai gogo diattuk Ho hami sappe so boi tarubatan lukkanami?+
Dipaima-ima hami do hadameon, alai dang adong ro na denggan.Sai dipaima-ima do asa dipamalum hami, alai biar ni roha do na ro!+
20 Ale Jahowa, diakkui hami do naung sala hami,Jala nungnga mardosa akka ompunami.Ai nungnga mardosa hami tu Ho.+
21 Alani goarmi, unang ma gabe tadikkon hami,+Unang ma gabe sogo roham tu tahtam na mulia i.
Ingot ma parjanjian naung dibahen Ho tu hami jala pasaut ma i.+
22 Sian sude akka patung na so marguna na adong di tonga-tonga ni akka bangso,Adong do sian i na boi mambahen udan manang boi do halak i sandiri parohon udan?
Holan Ho do na boi mangulahon i, ale Jahowa Debatanami.+
Tu Ho do hami marhaposan,Holan Ho do na boi mangulahon i sude.
