Jeremia 20:1-18
20 Dibege si Pashur anak ni si Immer ma hata ni si Jeremia taringot tu na lao masa. Sahalak malim do si Pashur jala pengawas na untimbo di jabu ni Jahowa.
2 Dung i diattuk si Pashur ma Panurirang* Jeremia, dipasung ma ibana+ di Gerbang ni Benjamin na adong di inganan na untimbo di jabu ni Jahowa.
3 Alai marsogotna i, dipalua si Pashur ma si Jeremia sian pasung. Di tikki i didok si Jeremia ma tu ibana,
“Dang dijou Jahowa be goarmu si Pashur, alai jouonna ma ho mamakke sada goar na lapatanna Biar ni Roha manang Didia pe.*+
4 Ai didok Jahowa do, ‘Bahenokku ma ho mabiar rap dohot sude donganmu alani na masa tu ho. Mate ma nasida di jolom+ dibahen podang ni musu. Pasahatonku ma sude halak Juda tu tangan ni raja ni Babel. Boanonna ma nasida tu Babel jala pamateonna ma nasida mamakke podang.+
5 Pasahatonku ma sude hamoraon, sude arta, dohot sude akka barang na arga na adong di kota, songon i nang sude arta ni akka raja ni Juda tu tangan ni akka musu ni nasida.+ Papunguonna ma i sude, dirampas jala diboan tu Babel.+
6 Alai ianggo ho Pashur dohot sude na tinggal di jabum, boanon ni musu ma ho. Diboan ma ho tu Babel jala mate disi ma ho. Disi ma ho dikuburhon rap dohot sude donganmu, ai dang sittong na nidokmu taringot tu aha na lao masa i.’”+
7 Ale Jahowa, nang pe dang tolap huhilala mangulahon i, dipapos Ho do rohakku.
Dipatuduhon Ho do na umgogo Ho sian au, jala monang do Ho.+
Diparekkeli do au ganup ari,Jala sude do halak mangarehei au.+
8 Ai molo makkatai au, ikkon marsurak do au gogo jala ikkon dohonokku do,“Ro nama na lao mangulahon na kejam dohot na lao mambahen hancur!”
Marlea do au ganup ari jala direhei alani hata ni Jahowa.+
9 Dung i hudok ma, “Dang olo be au mandok taringot tu Ibana,Jala dang olo be au makkatai di bagasan goarna.”+
Alai di rohakku gabe songon api na marsigorgor ma hata i, na tarhurung di bagasan holi-holikku,Loja do au manaon i,Jala dang tartaon au be i.+
10 Ai nungnga godang hubege akka rencana na jahat,Jala nungnga mabiar situtu au alani na masa di sakalilingku.+
Didok nasida do, “Beta ma taaluhon, beta ma taaluhon ibana!”+
Haru halak na makkatahon na denggan pe, dipaima-ima do andigan au madabu.
Didok nasida do, “Ra boi do ibana tartipu,Boi ma tataluhon ibana jala tabalosson ma sude tu ibana.”
11 Alai Jahowa do na mandongani au dos songon tentara na massai gogo jala na parohon biar.+
Alani i, manang ise pe na mambahen na jahat tu au, ikkon tartuktuk jala dang monang.+
Massai maila situtu ma nasida, ai dang marhasil.
Maila ma nasida saleleng ni lelengna jala torus do i ingotonna.+
12 Ale Jahowa Pamimpin ni Akka Tentara,* dipareso Ho do roha ni halak na mangulahon na sittong,Dipareso Ho do roha dohot pikkiran ni jolma na buni.*+
Ale Debata, paloas ma au mangida Ho mambalos nasida,+Ai tu tanganmu do hupasahat sude parsoalakku.+
13 Marende ma hamu tu Jahowa! Puji hamu ma Jahowa!
Ai Ibana do na paluahon halak na pogos sian tangan ni parjahat.
14 Hona bura ma ari hatutubukku!
Sai unang ma dipasu-pasu ari tikki ditubuhon omakku au!+
15 Hona bura ma halak na mamboan barita na uli tu bapakku,
Barita na mambahen las roha ni bapakki, ai didok do,
“Nungnga tubu be anakmu, bawa do anakmi!”
16 Lok ma halak sisongon i gabe songon kota na hancur dibahen Jahowa, dang manolsoli rohana tikki manghancurhon kota i.
Lok ma dibege ibana soara ni na mangandungi di tikki manogot, jala soara ni na lao marporang di tikki arian.
17 Ai boasa ma dang dipamate au tikki di bortian* ni omakku?Asa bortian ni omakki na gabe songon kuburakkuJala dang hea be ditubuhon ibana anak.+
18 Boasa ma ikkon kaluar au sian bortian ni omakku,Lao manaon hasusaan dohot lungun ni roha?Jala lao marlea sahat tu ujung ni ngolukku?+
Surat na di toru
^ Goarna i ma Magormissabib.
^ Manang “Sebaot”, lapatanna pamimpin ni akka suru-suruan na di banua ginjang.
^ As. “dohot ginjal”.
^ Manang “rahim”.
