Jeremia 22:1-30
22 Songon on ma hata ni Jahowa, “Lao ma ho tu istana ni raja ni Juda, jala paboa ma songon on tu ibana.
2 Dokkon ma, ‘Ale raja ni Juda na hundul di tahta ni si Daud dohot sude parkarejo nang akka rakyat na masuk sian gerbang on, tangihon hamu ma hata ni Jahowa.
3 Songon on ma hata ni Jahowa, “Dalatton hamu ma hukum na tigor dohot na sittong. Urupi hamu ma halak na hona rampok sian pangarampok. Unang ma bahen hamu na jahat tu akka halak na sian bangso na asing. Unang ma kejam hamu tu halak na so marama* manang tu ina na mabalu.+ Jala unang usehon hamu mudar ni halak na so marsala di luat on.+
4 Ai molo marsitutu hamu mangulahon hata on sian nasa rohamuna, masuk ma akka raja na hundul di atas tahta ni si Daud+ sian gerbang ni istana on mamakke kareta hoda jala nakkok di atas ni hoda. Masuk ma nasida rap dohot akka parkarejona dohot rakyatna.”’+
5 “‘Alai molo dang dioloi hamu hata on, marsumpa ma Au marhite dirikku sandiri, bahenokku ma tarulang istana on,’ ninna Jahowa.+
6 “Ai songon on do hata ni Jahowa taringot tu istana ni raja ni Juda,‘Songon Gilead do ho di Au,Songon pussu ni Dolok Libanon.
Alai bahenokku ma ho gabe gurun,Jala dang adong nanggo sada pe sian kotami na lao diingani.+
7 Suruokku* ma akka panegai lao mangalo ho,Ganup halak ma mamboan sinjatana.+
Tabaon ni nasida ma akka hau ares na dumenggan na adong di luatmi,Jala disappatton ma i tu api.+
8 “‘Godang do halak sian marragam bangso lewat sian kotam, jala didok nasida ma tu akka donganna, “Ai boasa dibahen Jahowa songon on tu kota na massai balga on?”+
9 Dohonon ni nasida ma, “Ai dilanggar nasida do parjanjian ni nasida dohot Jahowa Debata ni nasida. Disomba nasida do akka debata na asing jala dioloi nasida do i.”’+
10 Unang pola andungi halak na mate,Jala unang pola lungun roham alani na mate i.
Alai tangis ma ho sagogo ni gogona alani akka halak na diboan tu luat ni musu i,Ai dang na lao mulak be ibana lao mangida tano hatubuanna.
11 “Dipaboa Jahowa do aha na lao masa taringot tu si Sallum*+ anak ni si Josia raja ni Juda, na mamaretta manggattihon si Josia bapakna+ jala naung lao sian luat on. Didok do, ‘Dang na lao mulak be ibana tuson.
12 Ai na lao mate ma ibana di luat ni musu i, jala dang na lao idaonna be luat on.’+
13 Marjea ma halak na mambangun jabuna sian hasil ni ulaon na so sittong,Jala na mambangun lotengna sian hasil ni ulaon na jahat.Na manuru donganna karejo alai dang dilehon manang aha,Jala na so olo manggarar gaji ni nasida.+
14 Didok ibana do, ‘Pajongjongokku ma di au jabu na balgaJala lotengna massai bidang.
Pasangokku ma akka jandelana
Hulappis ma i pakke hau ares, jala cetna massai merah.’
15 Na dirippu ho do boi ho toktong mamaretta ala unggodang ho mamakke hau ares martimbakkon na asing?
Ai bapakmu pe mangan jala minum do,Alai didalatton ibana do hukum na sittong jala na tigor+Jala sonang do ngoluna.
16 Dibela ibana do parsoalan ni halak na susa dohot halak na pogos,Alani i ma sonang ngoluna.
‘Ala ditanda ibana do Au umbahen na dibahen ibana songon i kan?’ ninna Jahowa.
17 ‘Alai ianggo mata dohot roham toktong do mangalului uttung tu dirim sandiri marhite dalan na so sittongDipamate ho do halak na so marsala,Manipu do ho jala dikuras ho do arta ni halak na asing.’
18 “Alani i, songon on ma hata ni Jahowa taringot tu si Jehoyakim+ anak ni si Josia raja ni Juda.‘Dang adong halak na mangandungi ibana jala na mandok,
“Amango anakku! Haccit nai anggikku! Amango ibotokku!”
Dang tangis nasida jala mandok,
“Amango tuannami! Nungnga marujung be hasangaponmi!”
19 Dikubur ma ibana songon na mananom halode,+Disarat-sarat do ibanaDibolokkon tu luar ni gerbang ni Jerusalem.’+
20 Nakkok ma ho tu Dolok Libanon jala mangandungi ma ho disi,Marsurak ma ho gogo di Basan,Jala manggora ma ho sian Abarim,+Ai nungnga mate be sude halak na massai makkaholongi ho.+
21 Nungnga hupodai ho di tikki dame ngolum.
Alai didok ho do, ‘Dang olo au mangoloi hatam.’+
Torus do ho songon i sian mulai poso ho,Dang olo ho mangoloi hatakku.+
22 Ombuson ni alogo ma sude parmahanmu,+Diboan musu ma sude halak na massai makkaholongi ho.
Dung i dileai jala dipaila ma ho alani sude jea na masa tu ho.
23 Ale hamu akka na tinggal di Dolok Libanon,+Na marasar di akka hau ares,+Morong-orong ma hamu di tikki ro na haccit i tu hamu,Haccit situtu ma dihilala hamu dos songon na dihilala borua na lao partus!”+
24 “‘Songon pastina Au Debata na mangolu,’* ninna Jahowa, ‘nang pe si Konia*+ anak ni si Jehoyakim+ raja ni Juda i songon cincin cap di tangan kananku, cabutokku do ibana sian tanganki!
25 Pasahatonku ma ho tu tangan ni akka halak na naeng mambunu ho, tu tangan ni akka halak na dihabiari ho, tu tangan ni si Nebukadnesar* raja ni Babel, jala tu tangan ni halak Kasdim.+
26 Sappattonokku ma ho dohot omakmu na manubuhon ho tu luat na asing. Dang i tano hatubuanmuna, alai disi do hamu mate.
27 Masihol do hamu naeng mulak tu tano hatubuanmuna, alai dang na lao boi be hamu mulak.+
28 Na songon hudon naung maputtar jala naung dibolokkon do si Konia i?Na so dihalomohon do ibana?
Boasa disappatton ibana rap dohot pinopparnaJala dibolokkon tu luat na so ditanda nasida?’+
29 Ale tano,* tano, tano, tangihon ma hata ni Jahowa.
30 Songon on ma hata ni Jahowa,
‘Surat ma na so adong anak ni jolma on,Na so hea marhasil ibana saleleng ni ngoluna,Ai dang adong nanggo sada pe sian pinopparnaNa lao marhasil hundul di tahta ni si Daud jala mamaretta muse di Juda.’”+
Surat na di toru
^ Manang “na so marama na so marina”.
^ Manang “Papulikokku”.
^ Goar ni si Jehoahas na asing.
^ Digoari do ibana muse si Jehoyakin dohot si Jekonia.
^ Sumpa on patuduhon pasti do ikkon saut janji on, songon pastina Debata mangolu.
^ As. “Nebukadresar”, ejaan na asing tu goar on.
^ Manang “luat”.
