Jeremia 47:1-7
-
Akka na lao masa tu Palistim (1-7)
47 Songon on ma hata ni Jahowa tu Panurirang* Jeremia taringot tu halak Palistim+ andorang so ditaluhon si Firaun huta Gasa.
2 Songon on ma hata ni Jahowa,
“Ida ma, na lao ro ma aek sian utara.
Doras do mardalan aek i.
Bahenonna ma banjir luat i dohot sude na adong disi,Kota dohot akka pendudukna.
Mangandungi ma akka jolma,Jala tangis ma sagogo ni gogona sude jolma na tinggal disi.
3 Tikki tarbege soara ni pat ni hoda na marlojong,Soara ni akka kareta porang na mardarak-darak,Dohot soara ni akka rodana na marlatak-latak,Dang mulak be akka ama-ama lao mambuat anakna,Ai nungnga mabiar situtu nasida.*
4 Ai molo dung juppang tikkina masa i, dipamate ma sude halak Palistim,+Dipamate ma sude na mangurupi Tirus+ dohot Sidon+ di ari i.
Ai Jahowa do na lao pamatehon sude halak Palistim,Akka na mangolu dope sian Pulo Kaptorim.*+
5 Botak* nama Gasa.
Jala nungnga dipasip Askelon.+
Hamu akka na tinggal di rura ni nasida,Sadia leleng nai hamu sai maneati dagingmuna?+
6 Ale podang ni Jahowa!+
Sadia leleng nai ho dang marna so?
Masuk ma ho muse tu ingananmu.
Maradi ma ho jala toktong ma ho disi.
7 Alai songon dia ma boi podang i so?Ai Jahowa do na mangalehon paretta tu ibana,
Lao mangalo Askelon dohot na di topi laut,+Ai tusi do ibana disuru lao.”
Surat na di toru
^ Manang “nungnga gale tangan ni nasida”.
^ Na nidokna, i ma Pulo Kreta.
^ Na nidokna, i ma mancukkur obuk ni nasida sappe habis ala marlungun ni roha jala maila.
