Jeremia 50:1-46
50 Songon on ma hata ni Jahowa marhite Panurirang* Jeremia taringot tu Babel+ dohot taringot luat ni halak Kasdim:
2 “Paboa ma i di tonga-tonga ni akka bangso jala baritahon ma.
Pasang ma tanda* jala baritahon ma i.
Unang tabunihon manang aha pe!
Dokkon ma ‘Nungnga ditaluhon be Babel.+
Nungnga dipaila be debata Bel.+
Nungnga mabiar be Merodak,
Nungnga dipaila be akka patungna,
Jala nungnga mabiar be akka patungna na dihagigihon* i.’
3 Ai nungnga ro sada bangso sian utara+ lao mangalo ibana.
Bahenonna ma luat i gabe inganan na massai ngeri,Jala dang adong be na maringanan disi.
Jolma manang binatang pe nungnga lari sian i.Nungnga lao nasida sude sian i.”
4 “Molo dung juppang tikkina,” ninna Jahowa, “rap ro ma halak Israel dohot halak Juda.+ Mardalan ma nasida huhut tangis.+ Jala rap ma nasida mangalului Jahowa Debata ni nasida.+
5 Sukkunon ni nasida ma dalan na lao tu Sion, jala lao ma nasida tusi+ huhut mandok, ‘Beta ma hita lao, asa parsidohot hita tu parjanjian na binahen ni Jahowa na marlakku saleleng ni lelengna jala na so boi dihalupahon i.’+
6 Diboan do bangsokki songon biru-biru na lilu.+ Lilu do nasida dibahen parmahan ni nasida sandiri.+ Diboan do nasida tu akka dolok. Madang-adang do nasida sian dolok na sada tu dolok na sada nai. Gabe lupa ma nasida tu hutana.
7 Suda do nasida diallang manang ise pe na pajuppang dohot nasida.+ Jala didok musu ni nasida do, ‘Dang marsala hami. Ai nasida do naung mangulahon dosa tu Jahowa, mual ni hasittongan i, i ma Jahowa na diasakkon ompu ni nasida.’”
8 “Lari ma hamu sian tonga-tonga ni Babel,Kaluar ma hamu sian luat ni halak Kasdim,+Jala gabe songon biru-biru jantan na mamimpin donganna ma hamu.
9 Papunguokku ma akka bangso na gogo sian luat na di utara.+Bahenokku ma nasida ro lao mangalo Babel,
Marbaris ma nasida lao marporang mangalo ibana,Ditakkup ma ibana sian parporangan i.
Anak panah ni nasida dos songon anak panah ni akka tentaraDang hea dang marhasil anak panahna,Mambahen akka dakdanak marmatean.+
10 Na lao dibuat ma sude arta ni halak Kasdim.+
Jala puas do sude pakkilalaan ni halak na mambuat artana i,”+ ninna Jahowa.
11 “Ai torus do ho marlas ni roha+ jala marsonang-sonangTikki dibuat ho artakku.*+
Songon lombu* na marinjak-injak di inganan panjappalan do ho,Torus do ho marngiak songon hoda jantan.
12 Nungnga dipaila be omakmu.+
Gabe lungun do roha ni borua na manubuhon ho.
Ida ma! Gabe kota na so sangap ma ibana di tonga-tonga ni bangso,Gabe songon gurun ma ibana jala gabe inganan na harsang.+
13 Alani muruk ni Jahowa, dang adong be na mangingani ibana,+Jala gabe inganan na tarulang ma ibana.+
Mabiar do manang ise pe na lewat sian Babel alani na masa tu luat i,Jala gabe direhei* do luat i alani jea na masa tu ibana.+
14 Sude hamu naung rade manembakkon anak panahna,Atur hamu ma barisanmuna lao marporang mangalo Babel sian sude inganan.
Panah ma ibana jala unang tadikkon nanggo sada pe anak panahmu,+Ai nungnga mardosa ibana tu Jahowa.+
15 Marsurak ma hamu di sude inganan, marsurak ma hamu tanda lao marporang.
Nungnga menyerah be ibana.
Nungnga maruppak be akka tiangna, nungnga hancur be akka tembokna,+Ai Jahowa do na lao mambalos ibana.+
Balos hamu ma ibana,
Bahen hamu ma tu ibana dos songon na binahenna tu na asing.+
16 Pamate ma sian Babel akka halak na manabur boniDohot akka halak na mamakke sasabi di musim panen.+
Ala nungnga massai godang halak na mate dibahen podang, ikkon mulak do ganup halak tu bangsona sandiri.Ikkon lari do nasida tu luat ni nasida be.+
17 “Nungnga songon biru-biru na marserak+ be Israel i. Nungnga dibahen akka singa be nasida marserak.+ Raja ni Asiria ma na parjolo mangallang nasida.+ Dung i si Nebukadnesar* raja ni Babel ma na mangaropuk holi-holi ni nasida.+
18 Alani i, songon on ma hata ni Jahowa Pamimpin ni Akka Tentara* Debata ni Israel, ‘Hukumokku ma raja ni Babel dohot luatna i, dos songon carakku manghukum raja ni Asiria.+
19 Boanokku ma mulak Israel i tu inganan panjappalanna.+ Mangallang ramba ma ibana sappe puas di Karmel, di Basan,+ di akka dolok na di Epraim,+ dohot di Gilead.’”+
20 Didok Jahowa ma, “Molo dung juppang tikkina,Dilului ma hasalaan ni halak Israel i.Alai dang na lao juppang hasalaanna i.Dang na lao dapot ni nasida dosa ni akka halak Juda,Ai na lao sesaokku do dosa ni akka halak na hupasombu i mangolu.”+
21 “Lao ma ho marporang mangalo luat ni Merataim dohot penduduk ni Pekod.+
Lok ma dibunu nasida sude jala dipamate,” ninna Jahowa.
“Ulahon ma sude na huparettahon tu ho.
22 Tarbege ma soara ni parporangan di luat i,Masa ma hasusaan na massai balga.
23 Nungnga diponggolhon jala nungnga dihancurhon be tokkok na mangattuk sude bangso di tano on!+
Nungnga gabe inganan na massai ngeri be Babel i di tonga-tonga ni akka bangso!+
24 Ale Babel, nungnga hupasang be jorat lao manakkup ho.Nungnga tartakkup be ho, jala dang diboto ho i.
Nungnga dapot be ho jala tartakkup,+Ai Jahowa do dialo ho.
25 Nungnga dibukka Jahowa be gudang ni sinjatana,Dipakaluar Ibana ma akka sinjata na lao dipakke Ibana patuduhon murukna.+
Ai adong do ulaon na lao diulahon Ibana di luat ni halak Kasdim,Na lao diulahon Jahowa Tuan Natumimbul Pamimpin ni Akka Tentara i.
26 Ro ma ho sian akka inganan na dao lao mangalo ibana.+
Bukka ma gudang panimpanan ni gandumna.+
Papungu ma akka arta na dibuat ho sappe martimbun-timbun, dos songon gandum na dipapungu.
Hancurhon ma ibana,+
Unang pasombu nanggo sahalak pe mangolu.
27 Pamate ma sude lombu jantan ni nasida na poso.+Pasombu ma nasida lao tu inganan pamotongan.
Ai marjea ma nasida, nungnga juppang be tikkina,Ari panguhuman ni nasida!
28 Adong do soara ni halak na lari,Lari do nasida sian BabelLao paboahon di Sion naung dibalos Jahowa Debatanta i musuna.Dibalos do nasida alani bagas joro i.+
29 Jou ma akka pemanah mangalo Babel,Jou ma sude halak na rade manembakkon anak panahna.+
Markemah ma hamu di sakalilingna asa unang adong na malua.
Balosson ma tu ibana hombar tu pambahenanna,+
Ulahon ma tu ibana dos songon na binahen ni ibana tu na asing.+
Ai ginjang do rohana tu Jahowa,Debata Nabadia ni Israel.+
30 Alani i marragean ma akka doli-doli na adong di kota i di akka lapanganna,+Jala mate ma* sude tentarana di ari i,” ninna Jahowa.
31 “Ale Babel pangalo,+ Au ma na gabe alom,”+ ninna Jahowa Tuan Natumimbul Pamimpin ni Akka Tentara.“Na lao juppang ma tikkina, tikki lao manghukum ho.
32 Pangalo do ho ale Babel, ikkon tartuktuk do ho jala madabu.Dang adong na lao manogu ho,+
Tutungokku ma akka kotam,Jala rarat ma apina i manutung sude na adong di sakalilingmu.”
33 Songon on ma hata ni Jahowa Pamimpin ni Akka Tentara,
“Nungnga disiksa be halak Israel dohot halak Juda.Sude halak na manakkup nasida, dang olo paluahon nasida.+
Dang dipaloas nasida lao.+
34 Alai gogo do na manobus* nasida.+
Ditanda do Ibana Jahowa Pamimpin ni Akka Tentara.*+
Ibana sandiri do na pasaehon parsoalan ni nasida,+Lao mambahen luat i gabe aman.+Jala bahenonna do gaor penduduk ni Babel.”+
35 Didok Jahowa ma, “Adong do podang lao mangalo halak Kasdim,Mangalo penduduk ni Babel, mangalo akka pamimpin ni Babel, dohot akka halak na marbisuk disi.+
36 Ro do podang i lao mangalo akka panurirang na so sittong, gabe diulahon nasida ma ulaon ni halak na oto.
Ro do podang i lao mangalo akka tentarana, jala gabe mabiar ma nasida.+
37 Ro do podang i mangalo hoda dohot kareta porang ni nasida,Mangalo akka halak na ro sian marragam bangso na tinggal di tonga-tonga ni nasida.Gabe songon borua na mabiar ma nasida.+
Ro do podang i manegai artana, jala na lao dibuat do sudena i.+
38 Marjea ma aek na di kota i, ai na lao koring nama i.+
Ai gok do akka patung na diukir di luat i,+Jala gabe songon halak na rittik do nasida ala mandapot parnidaan na parohon biar.
39 Alani i, rap tinggal ma binatang na mangolu di gurun dohot binatang na marauang,Jala na lao tinggal ma disi burung unta.+
Dang adong be nanggo sahalak na tinggal disi,Jala dang diingani be luat i sahat tu saleleng ni lelengna.”+
40 “Dos songon huta Sodom dohot Gumora+ dohot akka kota na di sakalilingna naung hancur dibahen Debata,”+ ninna Jahowa, “dang adong nanggo sahalak pe na tinggal disi, manang na maringanan disi.+
41 Ida ma, adong do bangso na ro sian utara,Na lao ro ma bangso na massai jago dohot akka raja na sangap,+Sian akka inganan na di ujung ni tano on.+
42 Panah dohot tombak* do sinjata ni nasida.+
Kejam do nasida jala dang asi roha ni nasida mangida jolma.+
Songon soara ni galumbang ni laut na balga do soara ni nasida,+Molo nakkok nasida tu atas ni hoda.
Marsada do nasida sude marbaris lao marporang mangalo ho, ale penduduk ni Babel.+
43 Dibege raja ni Babel ma taringot nasida,+Jala gabe gale ma tanganna.+
Busisaon ma ibana,Haccitan ma ibana dos songon borua na partus.
44 “Ida ma! Songon singa na kaluar sian tombak na di labbung ni Sunge Jordan na ro menyerang inganan panjappalan na aman di Edom, songon i ma sasahalak ro lao mangalo Edom. Alai lari do nasida bahenokku sian luat i. Bahenokku ma halak na tarpillit i mangarajai luat i.+ Ai ise ma huroa na songon Au? Ise ma na boi mangalo Au? Ise ma parmahan na boi mangabbati lomo ni rohakku?+
45 Alani i ale jolma, tangihon ma aha naung ditottuhon Jahowa taringot tu Babel,+ jala aha na dipikkirhon Ibana taringot tu luat ni halak Kasdim:
Pasti disarat do akka anak ni biru-biru,
Jala tarulang do bahenonna inganan ni nasida alani pangalaho ni nasida.+
46 Humutur do tano on alani soara ni Babel na ditaluhon i,Jala tarbege do soara ni na mangangguki di tonga-tonga ni akka bangso.”+
Surat na di toru
^ Manang “tiang na gabe tanda”.
^ Molo di bahasa Heber istilah on berkaitan tu hata “kotoran” jala on patuduhon na magigi situtu do tu sada ulaon.
^ Manang “arta warisanku”.
^ Na nidokna, i ma sada lombu boru-boru na so hea maranak.
^ As. “marsiul”.
^ As. “Nebukadresar”, ejaan na asing tu goar on.
^ Manang “Sebaot”, lapatanna pamimpin ni akka suru-suruan na di banua ginjang.
^ As. “Jala dang makkuling be”.
^ As. “Goarna i ma Jahowa Pamimpin ni Akka Tentara”.
^ Manang “hujur”.
