Jesaya 11:1-16
11 Kaluar do sada ratting+ sian pakkal ni si Isai,+Jala marparbue do tunas+ na kaluar sian uratna.
2 Gok do tondi parbadia ni Jahowa di ibana,*+Alani i ma gabe marbisuk+ ibana, jala gok do na diattusi ibana,Dilehon ibana ma poda na denggan, gabe gogo+ ma ibana,Gok do parbinotoanna jala massai sangap do dibahen ibana Jahowa.
3 Lomo do rohana pasangappon* Jahowa.+
Tikki mangadili, dang holan sian na niidana ibana mambahen keputusan,Jala dang mamissang ibana holan alani na binegena.+
4 Adil* do ibana mangadili halak na pogos,Marhite cara na sittong, dipasingot ibana do halak na asing asa mandapot laba halak na lambok roha di tano on.
Diattuk ibana do tano on marhite tukkot na sian babana+Dipamate ibana do halak na jahat marhite hosa na sian pamanganna.+
5 Tigor do rohana jala setia do ibana,I do na mangurupi ibana toktong togu.*+
6 Mardongan ma serigala dohot anak ni biru-biru,+Rap modom ma harimau dohot anak ni hambing,Jala rap tinggal+ do anak ni lombu, singa, dohot binatang na mokmok,*Dakdanak na metmet ma na marmahan i sude.
7 Rap mangan do lombu dohot beruang,Rap modom do akka anak ni nasida.
Mangallang duhut-duhut ma singa songon lombu.+
8 Marmeami ma dakdanak na manusu dope di labbung ni asar ni ulok kobra,Jala dakdanak naung sirang susu mambahen tanganna tu liang ni ulok na marbisa.
9 Dang adong manang aha pe sian nasida na mambahen marjea+Manang na mambahen sega di sude dolokku na badia i,+Ai gok parbinotoan taringot Jahowa do saluhut tano on,Dos songon aek na manggohi laut.+
10 Di ari i, ro ma sahalak sian pinoppar* ni si Isai+ gabe tanda tu akka bangso.+
Tu ibana ma jaloon ni akka bangso tudu-tudu,*+Jala gabe badia do ingananna tinggal.
11 Di ari i, patuduhonon ni Jahowa ma muse gogona* na paduahalihon lao mangurupi bangsona na tinggal i. Boanonna ma nasida mulak sian Asiria,+ Mesir,+ Patros,+ Kus,+ Elamit,+ Sinear,* Hamat, dohot sian akka pulo na di laut.+
12 Angkatonna ma sada tanda* tu akka bangso jala papunguonna ma halak Israel na marserak.+ Papunguonna do muse halak Juda na marserak di sude liat portibi on.+
13 Dang cemburu be Epraim,+Mate ma sude na marmusu tu Juda.
Dang cemburu be Epraim tu Juda,Jala dang sogo be roha ni Juda tu Epraim.+
14 Hatop ma nasida lao doppak barat tu rura na di PalistimRap ma nasida mangarampok arta ni akka halak na sian Timur.
Taluhonon ni nasida ma Edom+ dohot Moab,+Jala tunduk ma tu nasida halak Ammon.+
15 Dibola* Jahowa ma pantai ni laut Mesir+Dibahen ma tanganna tu atas ni Sunge Euprat.+
Marhite hosana, bahenonna ma mahiang pitu sungena na gelleng i,*Alani i, boi ma nasida manaripar jala mardalan mamakke solop ni nasida.
16 Sian Asiria, adong ma dalan na bidang+ tu akka halak na tinggal i dope,+Dos songon tikki kaluar halak Israel sian Mesir.
Surat na di toru
^ Na nidokna i ma “pakkal” dohot “tunas” na di ayat 1.
^ As. “makkabiari”.
^ Manang “Tigor”.
^ As. “na gabe songon ikat pinggang di ibana”.
^ Manang boi do “rap mangan ma anak ni lombu dohot singa”.
^ Manang “Luluan ni akka bangso ma ibana”.
^ As. “ro do urat”.
^ As. “tanganna”.
^ Na nidokna dison, i ma Babel.
^ Manang “tiang na gabe tanda”.
^ Manang boi do “Dipahiang”.
^ Manang boi do “attukonna ma i gabe pitu sunge na gelleng”.
