Jesaya 35:1-10
35 Marlas ni roha ma gurun pasir dohot tano na harsang,+Marlas ni roha ma gurun jala gok ma akka bunga disi.+
2 Marsurak jala marlas ni roha ma gurun pasir,Pasti marbunga do i,+
Dilehon nama hamuliaon ni Libanon tu ibana,+Dohot hasangapon ni Karmel+ dohot Saron.+
Idaon ni akka jolma ma hamuliaon ni Jahowa dohot hasangapon ni Debatanta.
3 Pargogoi ma tangan na gale,Jala patogu ma lutut na hitir-hitir.+
4 Dokkon ma songon on tu halak na mabiar:
“Pos ma roham. Unang hamu mabiar.
Ida ma! Na lao ro do Debatamuna mambalos musumuna,Na lao ro do Debata manghukum nasida.+
Na lao ro do Ibana jala paluaonna do hamu.”+
5 Di tikki i, marnida* ma mata ni halak na mapitung,+Jala marbinege ma* pinggol ni halak na nengel.+
6 Di tikki i, boi ma halak na pakpang mangakkati songon rusa,+Jala marsurak marlas ni roha ma dila ni halak na bisu.+
Godang ma aek kaluar di gurun,Jala godang ma sunge di gurun pasir.
7 Tano na harsang alani mohop ni ari gabe songon kolam,+Jala tano na koring gabe songon mata mual.
Di asar ni anjing hutan,+Tubu ma duhut-duhut, ramba, dohot papirus.
8 Adong do disi jalan raya,+Dalan na digoari Dalan na Badia.
Dang lewat sian i halak na ramun.*+
Holan tu halak na dipaloas mandalani dalan i do i diparade,Dang boi halak na oto mamolus sian i.
9 Dang adong disi singa,Jala dang adong binatang buas na ganas na ro tusi.
Dang adong akka binatang i disi,+Holan akka halak naung ditobus* do na mardalan sian i.+
10 Marsurak jala marlas ni roha+ ma akka halak naung ditobus Jahowa mulak+ tu Sion.
Marlas ni roha ma nasida saleleng ni lelengna.+
Appuna ni nasida ma hasonangan dohot las ni roha,Salpu ma lungun ni roha dohot arsak ni roha.+
