Jesaya 53:1-12
53 Ise do na porsea tu barita na pinaboanami?*+
Jala tu ise ma patuduhonon+ ni Jahowa huasona?*+
2 Magodang ma ibana songon ratting+ di jolona,* songon urat ni suan-suanan na di tano na koring.
Dang sangap manang mulia ibana idaon,+Jala tikki huida hami rupana, dang lomo roha naeng jonok tu ibana.*
3 Dileai do ibana jala dipasiding akka jolma,+Diattusi ibana do haccit ni na marsitaonon, jala jonok do ibana tu halak na marsahit.
Songon na ditabunihon ibana do bohina sian hami.*
Dileai do ibana jala dang marlapatan ibana di hami.+
4 Sasittongna, gabe ibana sandiri do na mangusung sahitnami.+Ibana do na manaon sitaononnami.+
Alai dirippu halak do ibana na hona kutuk, na hona hukum, jala susa dibahen Debata.
5 Ditusuk+ do ibana alani salanami,+Disiksa do ibana alani dosanami.+
Hona hukum do ibana asa dame hami,+Jala lukka na ditaon ibana mambahen hami gabe malum.+
6 Songon biru-biru na lilu+ do hami sude,Ganup do hami mambuat dalannami be,Jala tu ibana do diappehon Jahowa sude hasalaannami.+
7 Massai haccit do dibahen tu ibana,+ jala dipasombu ibana do dirina disiksa,+Alai dang didok ibana manang aha pe.
Songon sada biru-biru na diboan tu inganan pamotongan do ibana,+Songon anak ni biru-biru na sai hohom di jolo ni na manggusting ibbuluna,Dang didok ibana manang aha pe.+
8 Gabe mate do ibana alani hukum na so tigor,*Dang adong na parduli sian dia harorona.*
Ai dipamate do ibana sian luat ni halak na mangolu.+Jala diattuk*+ do ibana alani dosa ni bangsokku.
9 Disuru do ibana asa dikuburhon* rap dohot akka parjahat,+Jala dung mate, dikubur do ibana rap dohot na mora,+Hape dang adong diulahon ibana na sala*Jala dang hea ibana margabus.+
10 Alai dipaloas* Jahowa do asa disiksa ibana jala dipasombu manaon na haccit.
Ale Debata, molo naeng bahenonmu do ibana gabe pelean hasalaan,+Idaonna ma pinopparna,* ganjang ma umurna,+Jala marhite ibana saut ma lomo ni roha ni Jahowa.+
11 Dung marsitaonon, idaonna ma hasil na diulahon ibana, jala puas do ibana.
Marhite parbinotoanna, halak na hudok mangulahon na sittong, i ma naposokki,+Mangurupi godang halak asa didok mangulahon na sittong,+Jala sude hasalaan ni nasida appe tu ibana.+
12 Alani i, lehonokku ma parbagiananna rap dohot godang halak,Jala dibagi-bagi ibana ma arta na dibuat tu akka halak na gogo,Ai nungnga dilehon ibana dirina tu hamatean+Jala dirippu halak do ibana parjahat,+Diusung ibana do dosa ni godang halak,+Jala ibana ma na mambahen pangidoan tu Debata taringot tu halak na mardosa.+
Surat na di toru
^ As. “tanganna”.
^ As. “barita na dibege nasida sian hami”.
^ Hata “di jolona” na didok dison boi do lao mandok di jolo ni Debata manang di jolo ni jolma.
^ Manang “dang adong na mambahen lomo roha mangida ibana”.
^ Manang boi do “Songon na dipadao halak do bohina tikki mangida ibana.”
^ As. “ala disiksa jala diadili”.
^ Manang “parduli songon dia parngoluanna”.
^ Manang “diattuk sappe mate”.
^ As. “Dilehon sasahalak ma tu ibana kuburan”.
^ Manang “na jahat”.
^ As. “bonina”.
^ As. “dihalomohon”.
