Jesaya 55:1-13
55 Sude hamu na mauas,+ ro ma tuson, minum ma hamu!+
Hamu na so marhepeng, ro ma hamu, jala buat ma sipanganon di hamu!
Ro ma hamu mambuat anggur dohot susu,+ dang pola garar hamu, gratis.+
2 Boasa sai dipakaluar hamu hepeng lao manggarar na so sipanganon?Jala boasa dipahabis hamu gajimuna* lao manuhor na so boi mambahen hamu puas?
Tangihon hamu ma Au, allang hamu ma sipanganon na denggan,+Jala las situtu ma rohamuna mangallang tabo-tabo.*+
3 Tangihon jala ro ma hamu tu Au.+
Tangihon ma asa toktong hamu mangolu,Jala bahenokku ma tu hamu parjanjian na saleleng ni lelengna.+Lehonokku ma tu hamu pasu-pasu naung hujanjihon tu si Daud alani holong ni rohakku* tu ibana,
Boi do dihaporseai janji na hubahen on.+
4 Ida ma! Hubahen ma ibana gabe saksi+ ni akka bangso,Sahalak pamimpin,+ dohot sahalak komandan+ ni akka bangso.
5 Ida ma!* Jouonmuna* ma sada bangso na so ditanda hamu,Marroan ma tu hamu akka halak na sian bangso na asing na so mananda hamuMarroan ma nasida alani Jahowa Debatamuna,+ i ma Debata Nabadia ni Israel.Ai nungnga dibahen Ibana hamu sangap.+
6 Lului ma Jahowa, bissan boi dope dapotmuna Ibana.+
Jou hamu ma Ibana, bissan jonok dope Ibana.+
7 Lok ma ditadikkon parjahat akka dalanna na jahat+Jala unang be dipikkirhon halak na jahat akka ulaonna na jahat,Lok ma mulak ibana tu Jahowa, na marasi ni roha tu ibana,+Mulak ma ibana tu Debatanta, ai rade do Ibana* manesa sude dosana.+
8 “Ai dang songon pikkiranmuna pikkiranku,+Jala dang songon dalanmuna dalanku,” ninna Jahowa.
9 “Ai songon langit na dao untimbo sian tano on,Songon i ma dalanku dao untimbo sian dalanmunaJala pikkiranku dao untimbo sian pikkiranmuna.+
10 Ai songon udan dohot salju na turun sian langit,Dang mulak i tu ginjang, anggo so jolo matonu dibahen tano on, na mambahen tubu suan-suanan jala martunas,Parbuena i gabe boni na lao disabur jala roti na lao dipangan,
11 Dos songon i ma akka hata na kaluar sian pamanganku.+
Dang mulak i tu Au anggo so jolo adong hasilna,+Pasti pasautonna do lomo* ni rohakku,+Jala pasti marhasil do na huparettahon.
12 Di bagasan las ni roha+ ma hamu borhat,Jala di bagasan dame ma hamu boanonna mulak.+
Marsurak marlas ni roha+ ma sude akka dolok di jolomuna,Jala martopak ma sude akka hau na di ladang.+
13 Gatti ni ramba na marsuga, tubu ma hau juniper,+Jala gatti ni hau na marsuga, tubu ma hau mirtel.
Gabe tarbarita ma Jahowa alani i,*+On ma na gabe tanda na toktong adong saleleng ni lelengna.”
Surat na di toru
^ Manang “dipahabis hamu hepeng na dapot sian nasa gogo”.
^ Manang “mangallang sipanganon na dumenggan”.
^ Na nidokna, i ma si Jakkob manang Israel.
^ Ra hata ni si Jesaya do na disurat di ayat 5-7.
^ Manang “Ai tulus do rohana”.
^ Manang “sakkap”.
^ Manang “Parohon goar na denggan ma i tu Jahowa”.
