Job 11:1-20
11 Didok si Sopar+ halak Naama i ma,
2 “Tung so alusan ma sude hatam,Manang gabe sittong ma ho dohonon ala godang hatam?
3 Na dirippu ho do gabe sip halak alani akka hatami,
Jala dang adong na barani mamissang ho nang pe sai mangarehei ho?+
4 Ai didok ho do, ‘Sittong do na huajarhon,+Jala ias do au di jolo ni Debata.’+
5 Alai autsugari ma makkatai DebataJala dialusi Ibana ho,+
6 Paboaonna ma tu ho akka rahasia na mambahen ho marbisuk,Ai godang do na binoto ni halak na marbisuk.
Dung i diboto ho ma naung disalpuhon Debata do akka hasalaanmu.
7 Boi do haroa diattusi ho bisuk ni Debata na bagas iManang boi do haroa diboto ho sude taringot tu Pargogo na So Hatudosan i?
8 Untimbo do i sian langit, boi do dapotmu i?
Ubbagas do i sian Kuburan,* boi do botoonmu i?
9 Ungganjang do i sian tano onJala ubbidang do i sian laut.
10 Molo lewat Ibana jala ditakkup Ibana halak laos diboan tu pengadilan,Ise ma na boi mangorai Ibana?
11 Ai diboto Ibana do manang ise na manipu.
Jala dang pasombuonna halak na mangulahon na jahat.
12 Alai boi ma i diattusi halak na otoMolo dung boi jolma ditubuhon halode tombak.
13 Paias ma rohamJala angkat ma tanganmu lao martangiang tu Debata.
14 Molo diulahon ho na sala, padao ma i,Jala unang ma adong akka na jahat tinggal di kemahmu.
15 Dung i boi ma pos roham tu dirim jala dang maila.Boi ma ho hot jongjong, dang pola mabiar.
16 Lupa ma ho tu sitaononmi,Dang ingotonmu be i songon aek na mardalan tu toruan.
17 Gabe uttiur ma ari-arim sian tonga ari,Haru na holom pe gabe tiur songon manogot.
18 Gabe pos ma roham ala adong sipaimaonmu,Jala boi ma ho sonang modom ala aman di sakalilingmu.
19 Na lao modom ma ho, dang adong sihabiaranmu,Jala godang ma halak na naeng pasonakkon roham.
20 Alai na lao mapitung ma akka parjahat.Dang boi be nasida lao manang na tudia,Holan paima-ima hamatean nama nasida.”+
