Job 16:1-22
16 Didok si Job ma,
2 “Nungnga hea hubege sude na nidokmuna i.
Dang na lao mangapuli hamu ro,+ gariada manambai sidangolon do!
3 Dang sae dope akka hatamuna na so marguna i?
Boasa songon i hatamuna tu au?
4 Autsugari ditaon hamu songon na hutaon on,
Boi do dohonokku songon i tu hamu.Mangupir ma au tu hamu,+Jala hurehe-rehei ma hamu.
5 Alai anggo au, patoguokku do hamu marhite hatakku,Jala huapuli ma hamu asa lubbang dihilala hamu.+
6 Molo makkatai au, dang lam neang sitaonokki,+Jala molo hohom pe au, tong do dang moru sitaonokki.
7 Alai saonari nungnga loja au dibahen Ibana,+Nungnga mate dibahen Ibana akka na tinggal di jabukku.*
8 Ditakkup Ibana do au jala diida akka halak do i,Ala marniang au, dirippu akka halak ma au na marsala.
9 Diribak Ibana do au di bagasan rimasna jala massai sogo do rohana tu au.+
Diharat Ibana do ngingina alani murukna tu au.
Jala tajom do pamereng ni musukku tu au.+
10 Dibukka nasida do babana lao mamboddut au,+Dipastap nasida do bohikku asa marlea au,Jala godang do nasida na ro mangaroro au.+
11 Dipasahat Debata do au tu doli-doli,Dohot tu tangan ni akka parjahat.+
12 Sonang hian do ngolukku, alai susa do au dibahen Ibana.+Ditiop Ibana do rukkungku sian pudi jala diropukkon ma au.Holan au do torus na diroro Ibana.
13 Disuru Ibana ma akka halak na mamanah makkalilingi au.+Dang adong asi ni rohana, dipanah Ibana do ginjalhu.+Dibahen Ibana do puttar pogukku jala diusehon tu tano.
14 Songon tembok na sai ditobbom do au,Songon sahalak tentara do ibana mangaroro au.
15 Hujait ma abit goni lao pakkeokku,+Jala hundul ma au di orbuk, ai nungnga marlea au.+
16 Sai tangis do au+ sappe marrara bohikku,Jala sappe bongkak matakku.
17 Hape dang hea hubahen na jahat tu halakJala sian ias ni rohakku do au martangiang.
18 Ale tano, unang ma tabunihon mudarhu!+
Pasombu ma i mangangguki!
19 Saonari pe, adong do mangida au di surgo.Jala di banua ginjang do na boi paboahon taringot au.
20 Tikki martangiang au tu Debata jala maraburan ilukku*+Sai direhe-rehei akka donganku do au.+
21 Autsugari ma adong na mamareso parsoalakku tu Debata,Songon na mamareso parsoalan ni sasahalak tu donganna.+
22 Otik nai nama umurhu,Lao nama au jala dang na lao mulak be.+
Surat na di toru
^ Manang “na marpungu dohot au”.
^ Manang boi do “Tikki hutatap Debata sappe dang modom au”.
