Job 2:1-13
2 Dung i dapot ma muse tikkina ro akka anak ni Debata na sittong*+ tu jolo ni Jahowa.+ Dohot do Sibolis ro tu jolo ni Jahowa.+
2 Didok Jahowa ma tu Sibolis, “Na sian dia do ho?” Dialusi Sibolis ma Jahowa, “Na makkalilingi jala mamareso tano an do au.”+
3 Didok Jahowa ma tu Sibolis, “Diida* ho do si Job naposokki? Dang adong na songon ibana di tano i. Halak na tigor marroha do ibana jala setia do ibana tu Au.+ Dihabiari do Au jala dang diulahon ibana na jahat. Sai setia do ibana tu Au+ nang pe dijujui ho Au mambahen ibana+ marjea, hape so adong alana.”
4 Alai didok Sibolis ma tu Jahowa, “Holan dirina sandiri do na dipikkiri jolma.* Lehononna do manang aha pe na di ibana asal ma boi mangolu.
5 Alai autsugari ma dibahen Ho ibana marsahit,* pasti buraanna do Ho di jolom.”+
6 Didok Jahowa ma tu Sibolis, “Attong, bahen ma lomom tu* ibana. Alai unang buat hosana!”
7 Dung i lao ma Sibolis sian jolo ni Jahowa. Dibahen ibana ma baroon* si Job+ mulai sian ujung ni patna sahat tu uluna.
8 Dibuat si Job ma ponggol-ponggol ni gucci naung maputtar lao manggarut dagingna. Dung i hundul ma ibana di orbuk.+
9 Ujungna didok istrina ma, “Tong dope setia ho tu Debatami? Burai ma Debata jala mate ma ho!”
10 Alai didok si Job ma tu istrina, “Loak nai ho makkatai. Molo tajalo na denggan sian Debata na sittong, ikkon jalootta do na roa.”+ Nang pe masa i sude tu si Job, dang adong didok ibana na sala.*+
11 Adong do tolu dongan ni si Job na mambege na masa i, i ma si Elipas+ halak Teman, si Bildad+ halak Syuah,+ dohot si Sopar+ halak Naama. Alani i, ro ma nasida sian ingananna be manjuppangi si Job lao mangapuli ibana.
12 Dung diida nasida si Job sian na dao, dang boi be ditanda nasida si Job. Gabe mangandungi ma nasida jala diribak ma abitna. Dipassappatton nasida ma orbuk jala dibahen ma i tu ulu ni nasida.+
13 Hundul ma nasida di atas ni orbuk rap dohot si Job saleleng pitu ari pitu borngin. Dang adong didok nasida manang aha tu ibana. Ai massai borat do diida nasida sitaonon ni si Job.+
Surat na di toru
^ Istilah di bahasa Heber lao mandok akka suru-suruan ni Debata.
^ Manang “Diparrohahon”.
^ As. “Kulit gatti ni kulit”.
^ As. “Alai molo dijama Ho holi-holi dohot sibukna”.
^ Manang “rajai ma”.
^ Manang “bisulon”.
^ As. “dang mardosa pamanganna”.
