Job 40:1-24
40 Didok Jahowa ma muse tu si Job,
2 “Patut do luluan ni jolma sala ni Pargogo na So Hatudosan i+ jala marsoal dohot Ibana?
Molo adong na naeng mamissang Debata, makkatai ma.”+
3 Dung i dialusi si Job ma Jahowa,
4 “Ai ise ma haroa au?+
Dang taralusi au Ho.
Hututup nama babakkon mamakke tanganku.+
5 Nungnga piga-piga hali au makkatai,Alai dang taralusi au i jala dang adong be na boi hudok.”
6 Dung i tarbege ma soara ni Jahowa sian bagasan haba-haba lao mangalusi si Job. Didok ma,+
7 “Ale bawa, parade ma dirim.Adong na naeng husukkun tu ho jala ikkon alusanmu do Au.+
8 Na naeng patuduonmu do na so sittong Au?
Na naeng salahononmu do Au asa didok ho tigor marroha?+
9 Gogo do haroa tanganmu songon tangan ni Debata na sittong i,+Manang boi do haroa gogo soaram songon gogo ni soarakku?+
10 Patudu ma hasangaponmu dohot gogom,Jala patudu ma hamuliaonmu dohot huasom na balga i.
11 Muruk ma ho, papuas ma sude na di roham.Tatap ma akka siginjang roha, jala bahen ma ibana marlea.
12 Tatap ma akka siginjang roha, jala paila ma ibana,Dege-dege ma parjahat di ingananna.
13 Tanom ma nasida sude di bagasan tano,Jala ikkat ma nasida di inganan na buni,
14 Dung i dohot pe Au mamuji hoAi boi do tanganmu na gogo i paluahon ho.
15 Parrohahon ma jo kuda nil,* dohot do i na hutoppa songon ho.
Manggagat do i songon lombu.
16 Parrohahon ma gottingna na gogo iDohot butuhana na gogo i!
17 Pir do ihurna songon hau ares,Jala songon na ditonun do urat ni hae-haena.
18 Songon pipa na sian tombaga do holi-holina,Jala songon tukkot na sian bosi do sude dagingna.
19 Sian sude toppaan ni Debata na songon i, ibana do na parjolo jala na umgogo.Holan na manoppa ibana do na boi pamatehon ibana mamakke podang.
20 Diparade akka dolok do siallangonna,Jala disi do sude binatang buas marmeami.
21 Modom-modom do i di toru ni ramba na marsuga-suga,Di toru ni hau tolong na di tano na maraek.
22 Marlinggom do ibana di toru ni ramba na marsuga-suga i,Jala dikalilingi hau poplar na di rura* do ibana.
23 Dang mabiar ibana nang pe balga aek ni sunge.
Jala nang pe marmasukan aek ni Sunge Jordan+ tu babana, tong do dang mabiar ibana.
24 Adong haroa na boi manakkup ibana sian jolo?Manang adong haroa na boi makkait* igungna?
