Joel 1:1-20
1 On ma hata na dipasahat Jahowa marhite si Joel* anak ni si Petuel,
2 “Hamu akka pangituai,* tangihon hamu ma.Hamu sude pangisi ni tano on, parrohahon hamu ma on.
Nga hea masa na songon on di tikkimuna?Manang nga hea masa na songon on di tikki ni akka ompumuna?+
3 Paboa hamu ma i tu akka anakmuna,Lok ma dipaboa akka anakmuna i tu akka anak ni nasida,Jala lok ma dipaboa akka anak ni nasida i tu akka pinoppar ni nasida muse.
4 Suan-suanan na so habis diallang sihapor* na parjolo,* nungnga diallang sihapor na balga.+Suan-suanan na so habis diallang sihapor na balga, nungnga diallang sihapor na so marhabong.Jala suan-suanan na so habis diallang sihapor na so marhabong, nungnga diallang sihapor na mokkus.*+
5 Hamu akka parmabuk,+ hehe jala mangandungi ma hamu!
Hamu sude siinum anggur, mangangguki ma hamu,Ai dang adong be anggur na manis siinumonmuna.+
6 Nungnga ro sada bangso na gogo jala na so habilangan godangna lao menyerang luat inganakku.+
Ngingina songon ngingi ni singa,+ jala osang-osangna songon osang-osang ni singa.
7 Nungnga disegai hau anggurhu, jala nungnga diharati hau arakku, holan pakkalna nama na tinggal.Diharati do lakkatna jala dipambolokkoni do i,Sappe suda ma sude lakkat ni dakkana i.
8 Mangangguki ma hamu songon sahalak anak boru* na mamakke abit goniNa mangangguki ala mate tunanganna.*
9 Dang adong be diboan pelean sipanganon*+ dohot pelean siinumon+ tu jabu ni Jahowa,Mangandungi do akka malim na marhobas tu Jahowa.
10 Nungnga dihancurhon akka ladang, jala mangandungi do tano.+Ai nungnga sega akka gandum, dang adong be anggur na baru, jala nungnga habis miak.+
11 Marsak ma akka pangula, jala mangangguki ma akka halak na mandege-dege anggur,Ai dang adong be gandum dohot barli,*Nungnga habis sude hasil panen.
12 Nungnga koring be hau anggur,Nungnga malos be hau ara.
Nungnga koring be hau delima, hau palem, hau appel,Jala nungnga koring be sude hau na di ladang.+Dang adong be jolma na marlas ni roha, nungnga maila nasida sude.
13 Hamu akka malim, marabit goni ma hamu jala mangandungi ma hamu.*Hamu akka halak na marhobas di langgatan,+ mangangguki ma hamu.
Hamu akka naposo ni Debatakku, masuk ma hamu jala marabit goni ma hamu saborngin manipat.Ai dang adong be na mamboan pelean sipanganon+ dohot pelean siinumon+ tu jabu ni Debatamuna.
14 Bahen hamu ma paretta asa marpuasa, jou ma akka halak asa marpungu.+
Papungu ma akka pamimpin dohot sude penduduk ni luat i,Asa ro nasida tu jabu ni Jahowa Debatamuna,+ asa jou-jou hamu tu Jahowa mangido asa diurupi.
15 Nungnga jonok be ari ni Jahowa!
Massai ngeri do ari i,+Na lao ro ma tikkina hancur sude bahenon ni Pargogo na So Hatudosan i!
16 Idaotta ma dibuat sipanganotta sian jolotta,Dang adong be hasonangan dohot las ni roha di jabu ni Debatanta.
17 Disuan nasida do boni, alai gabe koring do i.*
Nungnga sega be akka gudang.
Nungnga diruppakkon be akka gudang panimpanan, ai nungnga koring akka gandum.
18 Mangangguki ma akka binatang na dipiaro!
Busisaon ma akka lombu, ai dang adong be inganan panjappalanna!
Jala akka biru-biru pe gabe susa do.
19 Jou-jou do au tu Ho, ale Jahowa.+Ai nungnga ditutung api akka inganan panjappalan,Jala nungnga habis ditutung api na marsigorgor sude hau na di ladang.
20 Haru akka binatang buas pe jou-jou do tu Ho,Ai nungnga koring sude sunge,Jala nungnga ditutung api be akka inganan panjappalan sappe habis.”
Surat na di toru
^ Lapatanna, “Jahowa do Debata”.
^ Di teks bahasa Heber, asing-asing do dibahen goar ni akka sihapor on lao patuduhon opat jenis ni sihapor.
^ Manang “sihapor panegai”.
^ Manang “belalang”.
^ Manang “perawan”.
^ Manang “suamina”.
^ Suan-suanan na songon eme.
^ Manang “pukkuli ma andoram”.
^ Manang “Koring do boni na di toru ni sodok”.
