Josua 19:1-51
19 Dung i dibahen ma undi na paduahalihon.+ Akka keluarga na sian marga Simeon+ ma na mandapot undi i. Dilehon ma tano parbagianan tu nasida di tonga-tonga ni tano parbagianan ni marga Juda.+
2 On ma tano parbagianan ni marga Simeon: Ber-seba,+ Syeba, Molada,+
3 Hasar-sual,+ Bala, Esem,+
4 Eltolat,+ Betul, Horma,
5 Ziklag,+ Bet-markabot, Hasar-susa,
6 Bet-lebaot,+ dohot Saruhen. Sude 13 kota dohot akka hutana.
7 Dilehon do muse Ain, Rimmon, Eter, dohot Asan.+ Opat kota ma sude dohot akka hutana.
8 Sude huta na di sakaliling ni akka kota i sahat do tu Baalat-beer, i ma na di sabola selatan ni Rama. Akka i ma tano parbagianan ni akka keluarga na sian marga Simeon.
9 Sian tano parbagianan ni marga Juda do na gabe tano parbagianan ni marga Simeon. Ai pagodangku do tano parbagianan ni marga Juda. Alani i, gabe di tonga-tonga ni tano parbagianan ni marga Juda do tano parbagianan ni marga Simeon.+
10 Dung i dibahen ma undi na patoluhalihon.+ Akka keluarga na sian marga Zebulon+ ma na mandapot undi i. Dilehon ma tano parbagianan ni nasida sahat tu Sarit.
11 Parbatasan tano parbagianan ni nasida nakkok tu sabola barat, i ma Mareala. Torus ma muse i sahat tu Dabaset. Dung i torus ma i muse sahat tu rura* na di jolo ni Jokneam.
12 Sian Sarit, torus ma tu sabola timur tu parbatasan ni Krislot-tabor sahat tu Daberat.+ Jala nakkok ma muse tu Japia.
13 Sian i, torus ma muse tu sabola timur, i ma tu Gat-heper,+ tu Et-kazin sahat tu Rimmon. Dung i, torus ma muse tu Nea.
14 Di sabola utara, mamutar ma parbatasan i tu Hannaton. Jala marujung ma parbatasan i di Rura Jepta-el,
15 Katat, Nahalal, Simron,+ Idale, dohot di Betlehem.+ Sude 12 kota dohot akka hutana.
16 Akka kota dohot huta i ma parbagianan ni akka keluarga na sian marga Zebulon.+
17 Dung i dibahen ma undi na paopathalihon.+ Akka keluarga na sian marga Isasar+ ma na mandapot undi i.
18 Parbatasan tano parbagianan ni nasida, i ma Jisreel,+ Hesulot, Sunem,+
19 Hapraim, Shion, Anaharat,
20 Rabit, Kision, Ebez,
21 Ramat, En-ganim,+ En-hada, dohot Bet-pases.
22 Sahat do parbatasan i tu Tabor,+ Sahagim, dohot tu Bet-semes. Jala Sunge Jordan ma ujung ni parbatasan ni tano parbagianan ni nasida. Sude 16 kota dohot akka hutana.
23 Akka kota dohot huta i ma parbagianan ni akka keluarga na sian marga Isasar.+
24 Dung i dibahen ma undi na palimahalihon.+ Akka keluarga na sian marga Aser+ ma na mandapot undi i.
25 Parbatasan tano parbagianan ni nasida, i ma Helkat,+ Hali, Beten, Aksap,
26 Alamelek, Amad, Misyal, Karmel,+ dohot Sihor-libnat.
27 Sian i belok ma tu sabola timur, tu Bet-dagon sahat tu huta ni marga Zebulon dohot tu Rura Jepta-el na di sabola utara. Torus ma muse tu Bet-emek, tu Nahiel, jala torus ma muse tu sabola kiri ni Kabul.
28 Torus ma muse tu Ebron, tu Bet-rehob, tu Rehob, tu Hamon, tu Kana sahat tu Sidon na Balga.+
29 Sian i belok ma tu Rama sahat tu kota Tirus+ na martembok. Sian i belok ma muse tu Hosa, jala marujung ma parbatasan i di laut na di luat Aksib,
30 Umma, Apek,+ dohot di Rehob.+ Sude 22 kota dohot akka hutana.
31 Akka kota dohot huta i ma parbagianan ni akka keluarga na sian marga Aser.+
32 Dung i dibahen ma undi na paonomhalihon.+ Akka keluarga na sian marga Naptali ma na mandapot undi i.
33 Parbatasan tano parbagianan ni nasida, dimulai sian Helep, sian hau na balga na di Zaannim.+ Torus ma muse tu Adami-nekeb, dohot tu Jabnel sahat tu Lakum jala Sunge Jordan ma ujungna.
34 Sian i belok ma tu sabola barat, tu Aznat-tabor. Torus ma muse tu Hukkok sahat tu huta ni marga Zebulon na di sabola selatan. Torus ma muse tu huta ni marga Aser di sabola barat jala torus ma muse tu sabola timur, tu huta ni marga Juda na di Sunge Jordan.
35 Akka kota na martembok disi, i ma Zidim, Zer, Hamat,+ Rakat, Kineret,
36 Adama, Rama, Hazor,+
37 Kedes,+ Edrei, En-hazor,
38 Jiron, Migdal-el, Horem, Bet-anat, dohot Bet-semes.+ Sude 19 kota dohot akka hutana.
39 Akka kota dohot huta i ma parbagianan ni akka keluarga na sian marga Naptali.+
40 Dung i dibahen ma undi na papituhalihon.+ Akka keluarga na sian marga Dan+ ma na mandapot undi i.
41 Parbatasan tano parbagianan ni nasida, i ma Zora,+ Estaol, Ir-semes,
42 Salabin,+ Ayalon,+ Itla,
43 Elon, Timna,+ Ekron,+
44 Elteke, Gibeton,+ Baalat,
45 Jehud, Bene-borak, Gat-rimmon,+
46 Me-yarkon, Rakon, dohot parbatasan na di jolo ni Joppe.+
47 Alai hurang bidang do luat i tu marga Dan.+ Alani i lao ma nasida marporang mangalo halak Lesem+ jala ditaluhon nasida ma i pakke podang. Dung i disi ma nasida maringanan. Digatti nasida ma goar Lesem gabe Dan, songon goar ni ompu ni nasida.+
48 Akka kota dohot huta i ma parbagianan ni akka keluarga na sian marga Dan.
49 Dung sae dibagi halak Israel tano parbagianan i, dilehon nasida ma tano parbagianan tu si Josua anak ni si Nun. Dilehon ma parbagiananna di tonga-tonga ni tano parbagianan ni nasida.
50 Mangihutton paretta ni Jahowa, dilehon nasida ma kota na dipangido si Josua, i ma Timnat-sera+ na di inganan na mardolok-dolok di Epraim. Dipajongjong ibana ma kota disi jala disi ma ibana maringanan.
51 Akka on ma tano parbagianan na dibagi Malim Eleasar, si Josua anak ni si Nun, dohot akka pamimpin ni ganup marga ni halak Israel.+ Dibahen nasida do undi lao mambagi i di jolo ni Jahowa di pintu masuk ni kemah parpunguan+ na di Silo.+ Songon i ma dibahen nasida lao mambagi tano i.
