Poda 13:1-25
13 Olo do anak na marbisuk diajar-ajari+ bapakna,Alai dang olo sipangarehei dipissang.+
2 Hilalaon ni halak do akka na denggan+ sian hata na nidokna,Alai holan akka na kejam do na dihalomohon halak na licik.
3 Manang ise na manjaga babana,* na manjaga ngoluna do i,+Alai manang ise na so boi mangarajai babana, marjea ma ibana.+
4 Godang do sakkap ni roha ni halak na malas, hape dang adong na saut,+Alai saut do sude sakkap ni roha ni halak na ringgas.+
5 Dihasogohon halak na tigor marroha do gabus,+Alai pailahon do ulaon ni halak na jahat jala mambahen marlea.
6 Dame do ngolu ni halak na so marsala ala mangulahon na sittong,+Alai na lao marjea do pardosa alani hajahatonna.
7 Adong do halak na mandok dirina mora, hape dang adong agia aha di ibana.+Alai adong do halak na mandok dirina pogos, hape godang do artana.
8 Dipakke halak na mora do artana lao paluahon dirina,+Alai anggo na pogos, dang na lao adong halak na mangancam* nasida.+
9 Massai tiur do sinondang ni halak na tigor marroha,+Alai na lao mittop do lampu ni parjahat.+
10 Mambahen parbadaan do molo pamalo-malohon,+Alai dapotan bisuk do halak na manangihon poda.*+
11 Hatop do suda hamoraon na mura didapot,+Alai lam martamba do hamoraon na dipapungu sasaotik.
12 Pahaccitton roha do molo sundat na dipaima-ima roha,*+Alai dos songon hau hangoluan do molo saut na dipaima-ima i.+
13 Manang ise na so olo manangihon hata, hona hukum do,+Alai manang ise na olo mangoloi paretta, dapotan upa do.+
14 Parohon hangoluan do na niajarhon ni halak na marbisuk,+Na padaohon halak sian jorat ni hamatean.
15 Las do roha ni na asing tu halak na marbisuk,Alai gok do hasusaan di dalan ni halak na licik.
16 Dipakke halak na marbisuk do parbinotoanna lao mangulahon ulaonna,+Alai dipatudu-tudu halak na oto do haotoonna.+
17 Parohon jea do sahalak utusan na jahat,+Alai parohon laba do utusan na setia.+
18 Na lao marpogos jala marlea do halak na so olo diajar-ajari,Alai na lao dipasangap do halak na olo dipasingot.*+
19 Palashon roha+ do molo saut sakkap ni roha,Alai dang olo halak na oto mandao sian na jahat.+
20 Gabe marbisuk do manang ise na mardongan tu halak na marbisuk,+Alai gabe marjea do manang ise pe na mardongan tu halak na oto.+
21 Sai ro do jea tu akka pardosa,+Alai dapot ni halak na tigor marroha do upa na denggan.+
22 Diparade halak na burju do parbagianan sahat tu pahoppuna,Alai halak na tigor marroha do na dapotan arta na dipapungu ni pardosa.+
23 Godang do sipanganon sian ladang ni halak na pogos ala diula,Alai boi do i* mago molo adong na mambahen na so sittong.
24 Manang ise na so olo mamissang* anakna, na so holong do rohana tu anakna i.+Alai manang ise na makkaholongi anakna, ikkon* pissangonna do anakna i.+
25 Na lao mangan do halak na tigor marroha sappe butong,+Alai na lao male+ do halak na jahat.
Surat na di toru
^ Manang “hatana”.
^ As. “na mangogapi”.
^ Manang “na jolo marpanukkun”.
^ Manang “na diharappon”.
^ Manang “dipissang”.
^ Manang “ibana”.
^ Manang “mangalissing; manghukum”.
^ Manang boi do “pittor”.
