Poda 15:1-33
15 Hata na lambok padaohon rimas,+Alai mambahen muruk do hata na kasar.+
2 Dihatahon halak na marbisuk do akka na denggan sian na binotona,+Alai akka haotoon do na dipandok halak na oto.
3 Diida Jahowa do saluhut na di tano on,Diparrohahon Ibana do halak na burju dohot halak na jahat.+
4 Dos songon hau hangoluan do hata na denggan,+Alai haccit do roha* alani hata na mangoto-otoi.
5 Dang diargai halak na oto na diajarhon bapakna,+Alai ditangihon halak na marbisuk do pissang-pissang.+
6 Godang do barang na arga di jabu ni halak na tigor marroha,Alai parohon jea do passarian ni halak na jahat.+
7 Parbinotoan do na dipaboa halak na marbisuk,+Alai anggo halak na oto, dang songon i di bagasan rohana.+
8 Magigi do Jahowa tu pelean ni halak na jahat,+Alai lomo do rohana manangihon tangiang ni halak na tigor marroha.+
9 Sogo do roha ni Jahowa tu dalan ni halak na jahat,+Alai dihaholongi Ibana do halak na marsitutu mangulahon na sittong.+
10 Dang lomo roha ni halak na maninggalhon dalan na denggan molo dipissang,+Alai na lao mate do manang ise na so olo dipissang.+
11 Haru Kuburan* dohot inganan hamagoan* patar do i di jolo ni Jahowa.+
Tarlumobi ma roha ni jolma!+
12 Dang lomo roha ni sipangarehei tu halak na mamissang ibana.+
Dang olo ibana manjalo poda tu halak na marbisuk.+
13 Minar do bohi molo las roha,Alai gabe mandele+ do molo lungun roha.
14 Dilului halak na marbisuk do parbinotoan,+Alai dilului baba ni halak na oto do haotoon.+
15 Porsuk do ari-ari ni halak na marsak,+Alai halak na marlas ni roha, torus do songon halak na marpesta.+
16 Dumenggan do otik arta ni halak alai makkabiari Jahowa+Sian apala godang arta alai sai holsoan.+
17 Dumenggan do mangallang sapiring sayur mardongan holong ni roha+Sian apala mangallang jagal lombu na mokmok alai mardongan jut ni roha.+
18 Tubu do parbadaan+ dibahen halak na mura muruk,Alai sae do parsoalan dibahen halak na so mura muruk.+
19 Dos songon pagar na sian suga-suga do dalan ni sigurbak ulu,+Alai dos songon dalan na denggan do dalan ni halak na tigor marroha.+
20 Anak na marbisuk mambahen las roha ni bapakna,+Alai halak na oto mambahen marlea omakna.+
21 Las do roha ni halak na oto di haotoonna,+Alai tigor do mardalan halak na mamboto dia na sittong dohot dia na sala.+
22 Sundat do sakkap molo so jolo dihatai,Alai saut do i molo godang na mamodai.+
23 Las do roha ni halak molo sittong alusna,+Jala massai denggan do hata sakkababa na didok pas di tikkina.+
24 Di dalan na tu hangoluan do halak na marbisuk, i ma dalan na tu ginjang,+Jala dang mardalan ibana turun tu Kuburan.*+
25 Ruppakkonon ni Jahowa do jabu ni siginjang roha,+Alai hot do bahenonna parbalokan ni ina na mabalu.+
26 Sogo do roha ni Jahowa tu sakkap ni halak na jahat,+Alai lomo do rohana tu akka hata na denggan.+
27 Halak na mangoto-otoi lao mandapot uttung, parohon jea* do tu keluargana,+Alai sai mangolu do halak na so olo manjalo suap.+
28 Jolo dipikkiri halak na tigor marroha do hata na lao sidohononna,+Alai akka na jahat do dipandok halak na jahat.
29 Mandao do Jahowa sian halak na jahat,Alai ditangihon Ibana do tangiang ni halak na tigor marroha.+
30 Bohi na minar mambahen las roha,Jala patoguhon roha* do barita na denggan.+
31 Halak na olo manangihon pissang-pissang na parohon hangoluanDi jabu ni halak na marbisuk+ do ibana tinggal.
32 Manang ise na so olo diajar-ajari, na so arga do ngoluna di ibana,+Alai manang ise na manangihon pissang-pissang, dapotna do parbinotoan.+
33 Biar mida Jahowa mangajari hita asa marbisuk,+Jala molo serep rohatta+ dapotta ma hasangapon.
