Poda 9:1-18
9 Nungnga dipajongjong bisuk* jabuna,Jala nungnga dibahen pitu tiangna.
2 Nungnga diparade ibana jagal,*Nungnga dicampur ibana anggur,Jala nungnga diparade ibana meja.
3 Nungnga disuru ibana lao akka parkarejona boruaAsa jou-jou sian inganan na timbo di kota mandok,+
4 “Manang ise na so marpengalaman, ro ma tuson.”
Didok ibana ma muse tu akka halak na oto,
5 “Ro ma hamu tuson, allang ma rotikkuJala inum ma anggur naung hucampur.
6 Tinggalhon ma haotoonmuna asa mangolu hamu,+Jala ihutton ma dalan ni bisuk.”+
7 Manang ise na mamissang pangarehei, gabe marlea ma ibana,+Manang ise na mamissang halak na jahat, gabe marjea do ibana.
8 Unang ma pissang pangarehei, sotung sogo rohana tu ho.+
Pissang ma halak na marbisuk, asa holong rohana tu ho.+
9 Lehon ma parbinotoan tu halak na marbisuk, asa lam marbisuk ibana.+
Ajar-ajari ma halak na tigor marroha, asa tamba na binotona.
10 Biar mida Jahowa do parmulaan ni bisuk,+Jala parbinotoan taringot Debata Nabadia i+ do na mambahen halak mamboto dia na sittong dohot dia na sala.
11 Gabe ganjang ma umurmu alani au,+Jala gabe tamba ma ari-ari ni ngolum.
12 Molo marbisuk ho, ho do na maruttung,Alai molo sai mangarehei do ho, ho do annon na manaon i.
13 Godang do hata ni borua na oto.+
Dang adong parbinotoanna jala dang diboto agia aha.
14 Hundul do ibana di pintu ni jabunaDi akka inganan na timbo* di kota i,+
15 Dijou ibana do akka halak na lewat,Akka halak na mardalan di dalanna lao mandok,
16 “Manang ise na so marpengalaman, ro ma tuson.”
Didok ibana ma muse tu akka halak na oto,+
17 “Manis do aek na ditakko,Jala tabo do siallangon na diallang sipsip.”+
18 Hape dang diboto nasida godang do bakke ni halak di jabuna,Jala di bagasan Kuburan* do akka tamuna.+
