Psalmen 103:1-22
Sian si Daud.
103 Sai toktong ma hupuji JahowaSai toktong ma hupuji goarna na badia i sian nasa rohakku.
2 Sai toktong ma hupuji JahowaSai unang ma lupa au tu sude pambahenanna.+
3 Disesa Ibana do sude dosakku+Jala dipamalum Ibana do sude sahittu.+
4 Dipalua Ibana do ngolukku sian tanoman,+Jala dipatudu Ibana do tu au holong ni rohana* dohot asi ni rohana.+
5 Dilehon Ibana do tu au akka na denggan+ asa sonang ngolukku,Asa toktong au poso jala margogo songon lali.+
6 Adil do Jahowa,+Dibahen Ibana do na sittong tu sude halak na susa.+
7 Dipatudu Ibana do akka dalanna tu si Musa+Jala dipatudu Ibana do akka ulaonna tu bangso Israel.+
8 Na burju jala parasi roha do Jahowa,+Lambat tarrimas jala gok do holong ni roha* di Ibana.+
9 Dang hea dipaingot-ingot Ibana hasalaatta+Jala dang muruk Ibana tu hita sahat tu saleleng ni lelengna.+
10 Dang hea dibalos Ibana hita hombar tu akka dosatta,+Jala dang hea dihukum Ibana hita hombar tu akka hasalaatta.+
11 Songon langit na untimbo sian tano on,Songon i ma balga ni holong ni roha* na dipatudu Ibana tu akka halak na makkabiari Ibana.+
12 Songon dao ni timur tu barat,*Songon i ma dao ni hasalaatta dipadao Ibana sian hita.+
13 Songon sahalak ama na marasi ni roha tu anakna,Songon i ma Jahowa patuduhon asi ni rohana tu akka halak na makkabiari Ibana.+
14 Ai takkas do diboto Ibana songon dia hita ditoppa,+Diingot Ibana do hita orbuk.+
15 Ai songon rumput do ngolu ni jolma,+Mangerbang do ibana songon bunga na di ladang,+
16 Alai molo mangullus alogo, dang disi be i,Hira na so hea ma tubu bunga i disi.*
17 Alai toktong do dipatudu Jahowa holong ni rohana* sahat tu saleleng ni lelengnaTu akka halak na makkabiari Ibana.+Jala toktong do bahenonna na sittong tu pinoppar ni nasida,+
18 Bahenonna do na sittong tu akka halak na mangoloi parjanjian na binahenna,+Dohot tu akka halak na marsitutu mangulahon parettana.
19 Dibahen Jahowa do hot tahtana di surgo,+Jala Ibana do raja ni saluhutna.+
20 Puji ma Jahowa, hamu ale akka suru-suruan,+ hamu akka na gogo i,Hamu akka na pasahatton hatana,+ na toktong mangoloi hatana.
21 Puji ma Jahowa, hamu ale akka tentarana,+Hamu akka naposona na mangulahon lomo ni rohana.+
22 Puji ma Jahowa, hamu ale akka toppaanna,Na adong di saluhut harajaonna.
Sai anggiat ma hupuji Jahowa sian nasa rohakku.
Surat na di toru
^ As. “Songon dao ni parbissar ni mataniari sian parbonom ni mataniari”.
^ As. “Dang ditanda ingananna be bunga i”.
