Psalmen 116:1-19
116 Holong do rohakku tu JahowaAi ditangihon Ibana do soarakku tikki mangelek-elek au asa diurupi.+
2 Dipatinggil Ibana do pinggolna tu* au,+Jala jou-jou ma au tu Ibana saleleng ngolukku.
3 Nungnga dililit tali ni hamatean be au,Nungnga gomos be au ditiop Kuburan.*+
Susa do au jala lungun do rohakku.+
4 Alai hupangido ma tu Jahowa,*+
“Ale Jahowa, palua ma au!”
5 Ai na burju do Jahowa jala sittong do sude pambahenanna,+Parasi roha do Debatanta.+
6 Dijaga Jahowa do halak na so marpengalaman.+
Tikki mandele au, dipalua Ibana do au.
7 Dame ma muse huhilala,Ai burju do Jahowa tu au.
8 Dipalua Ho do au sian hamatean,Diapus Ho do ilukku, jala dijaga Ho do pattu asa unang tartuktuk.+
9 Sombaokku do Jahowa saleleng ni ngolukku.*
10 Nang pe susa au,Toktong do au makkatai, ai porsea do au tu Debata.+
11 Tikki marsak au hudok do,
“Pargabus do sude jolma.”+
12 Aha ma sibahenokku tu JahowaLao mambalos sude akka na denggan na binahenna tu au?
13 Minum ma au sian makkuk panginuman lao mandok mauliate ala dipalua Ibana au,*Jala jou-jou ma au tu goar ni Jahowa.
14 Gararokku ma sumpakku tu JahowaDi jolo ni sude naposona.+
15 Lungun do roha ni Jahowa*Molo mate akka naposona na setia.+
16 Mangelek ma au tu Ho, ale Jahowa,Ai naposom do au.
Naposom do au, tubu ni hatobanmu.*
Nungnga dipalua Ho ratte na mangikkat au.+
17 Lehonokku ma tu Ho pelean hamauliateon,+Jala pujiokku ma goar ni Jahowa.
18 Gararokku ma sumpakku tu Jahowa+Di jolo ni sude naposona,+
19 Di alaman ni jabu ni Jahowa,+Na di tonga-tongam, ale Jerusalem.
Puji ma Jahowa!*+
Surat na di toru
^ Manang “Dipaunduk jala ditangihon do”.
^ As. “Hujou ma goar ni Jahowa”.
^ As. “Asa mardalan au di jolo ni Jahowa di luat ni halak na mangolu”.
^ As. “Huangkat ma makkuk haluaon”.
^ As. “Arga do di Jahowa”.
^ Manang “hatobanmu borua”.
^ Manang “Jah!”. “Jah” singkatan goar ni Jahowa. Ida Lampiran A5.
