Psalmen 130:1-8

  • “Jou-jou do au tu Ho”

    • “Molo holan akka salanami do” (3)

    • Disesa Jahowa do sude dosa (4)

    • “Sai hupaima-ima do Jahowa” (6)

Ende ni Halak na Nakkok tu Kota.* 130  Tikki massai dangol huhilala, jou-jou do au tu Ho ale Jahowa.+  2  Ale Jahowa, tangihon ma soarakkon. Sai anggiat ma tinggil pinggolmu manangihon pangidoakku asa diurupi Ho au.  3  Molo holan akka salanami do na diparrohahon* Ho ale Jahowa,*Ise ma na boi malua sian hukuman ale Jahowa?+  4  Alai disesa Ho do sude dosanami,+Asa dipasangap* Ho.+  5  Porsea do au tu janjim na lao urupanmu au, ale Jahowa,Hupaima-ima do saut sude janjimi.  6  Sai hupaima-ima do Jahowa,+Lobi sian panjaga na paima-imahon tiur ari,+Tutu, lobi sian panjaga na paima-imahon ari manogot.  7  Sai anggiat ma torus dipaima-ima Israel Jahowa,Ai saleleng ni lelengna do dipatudu Jahowa holong ni rohana,*+Jala balga do huasona lao manobus.  8  Na lao ditobus Ibana do Israel sian sude dosa ni nasida.

Surat na di toru

^ Ida di Kamus.
^ Manang “na torus dietong”.
^ Manang “ale Jah”. “Jah” singkatan goar ni Jahowa. Ida Lampiran A5.
^ As. “dihabiari”.
^ Manang “holong na manoktong”. Ida di Kamus.
BIBEL HATA NI DEBATA TU AKKA JOLMA NA NAENG MANGOLU DI TANO NA IMBARU
Psalmen 130
Batak (Toba)
Jaha ma Bibel on Versi Online
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt hlm. 40