Psalmen 132:1-18
Ende ni Halak na Nakkok tu Kota.*
132 Ale Jahowa, ingot ma si DaudDohot sude sitaononna.+
2 Ale Jahowa, Debata na Massai Gogo, Debata ni si Jakkob,Ingot ma naung marsumpa jala naung marjanji si Daud tu Ho.+ Didok ibana do,
3 “Dang na lao masuk au tu kemahku, tu jabukku.+
Tung na so olo au peak di podomanku,
4 Tung so olo au tarpodom,Manang tutup matakki,
5 Sahat tu na dapottu inganan ni poti parpadanan ni Jahowa,Inganan na denggan* lao di Debata na Massai Gogo i, Debata ni si Jakkob.”+
6 Nungnga dibege hami be taringot i di Eprata,+Nungnga juppangnami be inganan i di tombak.+
7 Beta ma hita masuk tu ingananna* i,+Beta ma hita marsomba tu sidege-degean ni patna i.+
8 Hehe ma Ho ale Jahowa, ro ma Ho tu ingananmu tinggal,+Ro ma Ho rap dohot poti parpadanan na patuduhon gogomi.+
9 Sai anggiat ma dibahen malimmu akka na sittong* i dos songon abit na dipakke nasida,Jala sai anggiat ma marsurak marlas ni roha akka naposom na setia i.
10 Alani si Daud naposomi,Jalo ma* halak naung pinillitmi.+
11 Nungnga marsumpa Jahowa tu si Daud,Dang na lao paubaonna hatana i:
“Sahalak sian pinopparmi,Bahenokku di tahtami.+
12 Molo toktong dioloi akka anakmu parjanjiakku,Dohot sipasingot na huajarhon tu nasida,+Akka anak ni nasida pe,Na lao hundul ma di tahtam saleleng ni lelengna.”+
13 Ai nungnga dipillit Jahowa kota Sion,+Lomo do rohana mambahen i gabe ingananna tinggal,+ didok do,
14 “On do inganakku saleleng ni lelengna,Dison ma Au maringanan,+ ai on do lomo ni rohakku.
15 Pasu-pasuokku ma kota i, bahenokku ma godang sipanganon disi,
Bahenokku ma butong mangallang roti akka halak na pogos na disi.+
16 Paluaokku ma akka malimna.*+Jala marsurak marlas ni roha ma akka halak na setia disi.+
17 Disi ma bahenokku lam tamba gogo* ni si Daud,
Ai nungnga huparade sada lampu tu halak na hupillit.*+
18 Pailaokku ma akka musuna,Lam bidang jala sonang ma harajaonna.”+
Surat na di toru
^ Manang “Tabernakelna na sangap”.
^ Manang “tu tabernakelna na sangap”.
^ Manang “Unang padao bohim sian”.
^ Manang “Bahenokku ma akka malimna marabit haluaon”.
