Psalmen 20:1-9
-
Dipalua ma raja na dipillit Debata
-
‘Molo hita, Jahowa do jouotta’ (7)
-
Tu pamimpin ni akka parende. Ende ni si Daud.
20 Sai anggiat ma dialusi Jahowa tangiangmu tikki masa hasusaan tu ho.
Sai anggiat ma dilinggomi Debata ni si Jakkob ho tikki dijou ho goarna.+
2 Sai anggiat ma diurupi Ibana ho sian ingananna na badia i+Jala dilehon akka na porlu di ho sian Sion.+
3 Sai anggiat ma diingot Ibana sude peleanmu.Sai anggiat ma las rohana manjalo pelean situtungon na nilehonmu. (Sela)
4 Sai anggiat ma dipasaut Ibana lomo ni roham+Jala dibahen Ibana marhasil sude sakkapmu.
5 Marsurak ma hami marlas ni roha ala dipalua Ho do hami.+Tabahen ma tanda na patuduhon naung monang hita alani goar ni Debatanta.+
Sai anggiat ma dipasaut Jahowa sude pangidoanmu.
6 Saonari huboto ma dipalua Jahowa do halak na pinillitna.+
Dialusi Ibana do tangiangna sian surgo ingananna na badia i,Dipakke Ibana do tanganna na gogo i lao paluahon ibana.*+
7 Adong do halak na mangasahon kareta porangna jala na asing mangasahon akka hodana,+Alai molo hita, Debatanta na margoar Jahowa i do jouotta.+
8 Tartuktuk jala madabu do nasida.Alai molo hita, hehe jala togu do hita jongjong.+
9 Ale Jahowa, palua ma raja i!+
Alusan ni Debata* do hami tikki mangido asa diurupi.+
