Psalmen 24:1-10
-
Masuk ma Raja na sangap
-
“Jahowa do nappuna tano on” (1)
-
Ende ni si Daud.
24 Jahowa do nappuna tano on dohot sude na di bagasanna.+Nappuna tano on dohot akka pangisina.
2 Dipajongjong Ibana do i di ginjang ni akka laut+Jala dibahen Ibana do i hot di atas ni akka sunge.
3 Ise do na boi nakkok tu dolok ni Jahowa,+Jala ise do na boi jongjong di ingananna na badia?
4 Halak na so marsala jala na ias rohana,+Na so olo marsumpa di bagasan goarna* lao margabus,Jala na so olo marsumpa lao mangoto-otoi.+
5 Jaloonna ma pasu-pasu sian Jahowa+Jala didok Debata na paluahon ibana ma naung diulahon ibana na sittong.*+
6 Halak* sisongon i ma na mangalului Debata,Akka halak na marsitutu mangulahon lomo ni roham,* ale Debata ni si Jakkob. (Sela)
7 Ale akka gerbang,+ timbo ma ho tarangkat.Ale akka pintu naung adong sian najolo, tarbukka* ma ho,Asa boi masuk Raja na sangap i!+
8 Ise do Raja na sangap on?
Jahowa do i, massai gogo do Ibana.+Jago do Jahowa tikki marporang.+
9 Ale akka gerbang,+ timbo ma ho tarangkat.Ale akka pintu naung adong sian najolo, tarbukka ma ho,Asa boi masuk Raja na sangap i!
10 Ise do Raja na sangap on?
Jahowa Pamimpin ni Akka Tentara* i do Raja na sangap i.+ (Sela)
Surat na di toru
^ Manang “di bagasan ngoluna”, na nidokna dison, i ma ngolu ni Jahowa.
^ Manang “Sundut”.
^ As. “na mangalului bohim”.
^ Manang “tarangkat”.
^ Manang “Sebaot”, lapatanna pamimpin ni akka suru-suruan na di banua ginjang.
