Psalmen 39:1-13
Tu pamimpin ni akka parende. Jedutun.*+ Ende ni si Daud.
39 Hudok do, “Jagaokku do lakkakkuAsa unang mardosa au alani dilakku.+
Saleleng di jolokku akka parjahatJagaokku do babakku jala tutupokku do i.”+
2 Sai sip do au jala dang olo makkatai.+Haru makkatahon na denggan pe dang olo au.Alai maniak do ate-atekku.
3 Mohop do rohakku.
Lam hupikkiri, lam marsigorgor do i di bagasan rohakku.
Dung i hudok ma,
4 “Ale Jahowa, urupi ma au mangingot jeppek ni ngolukku,*Nungnga ditottuhon ari-arikku,+Jala parsatokkinan do ngolukku.
5 Ho do na mambahen jeppek ngolukku.*+Molo di Ho dang sadia dope ari-arikku.+
Ai holan sangombus hosa do ngolu ni sude jolma, nang pe gogo ibana.+ (Sela)
6 Dos songon bayangan do ngolu ni sude jolma.
Dang marguna sude na niulana.
Dipapungu ibana do hamoraon, alai dang diboto manang na tu ise i.+
7 Attong aha be na hupaima-ima ale Jahowa?
Holan tu Ho nama au marhaposan.
8 Palua ma au sian sude hasalaakku,+
Unang ma loas halak na oto mangarehei au.
9 Holan na sip nama au,Dang bukkaokku be babakku,+Ai Ho do na mambahen on sude masa.+
10 Padao ma sitaonon na binahenmon sian au.
Ai nungnga naeng mate au ala dipastap Ho au.
11 Dihukum Ho do halak na marsala lao mamissang ibana,+Dibahen Ho do habis artana songon abit na niallang ni ngitngit.
Holan sangombus hosa do ngolu ni sude jolma.+ (Sela)
12 Tangihon ma tangiakku ale Jahowa,Tangihon ma angguk-anggukku na mangido asa diurupi.+
Unang ma sai sip Ho mangida ilu-ilukku.
Ai dos songon halak na asing do au di Ho,+Songon panoppang do au dos songon akka ompukku najolo.+
13 Unang ma sai panotnoti au jala sai muruk Ho tu au,Asa boi muse las rohakku andorang so mate au jala dang adong be au.”
Surat na di toru
^ As. “mamboto ujung ni ngolukku”.
^ As. “mambahen ngolukku gabe nasa bidang ni talapak ni tangan”.
