Psalmen 51:1-19
Tu pamimpin ni akka parende. Ende ni si Daud na diendehon dung ro Panurirang* Natan manjuppangi ibana ala mangalakkup ibana tu si Bat-seba.+
51 Ale Debata, patudu ma holong ni roham* jala asi ma roham tu au.+
Sesa ma hasalaakku, ai balga do asi ni roham.+
2 Sesa ma hasalaakku+Jala paias ma au sian akka dosakku.+
3 Ai huboto do hasalaakku,Jala sai huingot do dosakku.+
4 Nungnga mardosa situtu au tu Ho+Huulahon do na dihasogohon roham.+
Alani i, dipatuduhon Ho ma na sittong do Ho tikki makkatai,Jala tigor do Ho mangadili.+
5 Nungnga mardosa au tikki ditubuhon,Jala nungnga mardosa au tikki di bortian* ni omakku.+
6 Lomo do roham mangida halak na ias roha,+Alani i, ajari ma asa marbisuk rohakku.
7 Paias ma au sian akka dosakku, asa ias au.*+Paias ma au asa gabe unbottar au sian salju+
8 Bahen ma au marlas ni roha situtu,Asa marlas ni roha muse holi-holikku naung maropuk dibahen Ho.+
9 Unang ma sai paida-ida* dosakku,+Jala sesa ma sude hasalaakku.+
10 Ale Debata, lehon* ma di au roha na ias,+Jala paimbaru ma rohakku+ asa togu au jongjong.
11 Unang ma palao au sian jolom,Jala unang ma buat tondi parbadiam sian au.
12 Bahen ma asa marlas ni roha au muse songon na huhilala tikki dipalua Ho au,+Jala bahen ma asa rade rohakku mangoloi Ho.
13 Ajarhonokku do akka dalanmu tu akka pardosa,+Asa mulak nasida muse tu Ho.
14 Ale Debata na paluahon au,+ sesa ma dosakku ala nungnga hupamate sahalak jolma,+Asa boi au marlas ni roha paboahon hatigoranmi.+
15 Ale Jahowa, bukka ma pamanganku,Asa boi hupuji Ho.+
16 Dang pelean na dihalomohon roham.Ai molo i do na dihalomohon roham, nungnga hulehon i.+
Jala dang pelean situtungon na mambahen las roham.+
17 Alai roha na manolsoli do pelean na mambahen las roha ni Debata.Jala dang dipalao Ho ale Debata,* halak na marsak dohot na manolsoli.+
18 Bahen ma na denggan tu Sion,Pajongjong ma tembok ni Jerusalem.
19 Dung i las ma roham manjalo pelean na dilehon akka halak na mangulahon na sittong,Dohot akka pelean situtungon.Jala dipelehon ma akka lombu jantan di langgatanmu.+
Surat na di toru
^ Manang “rahim”.
^ As. “Pakke ma hisop lao paiasson au sian akka dosakku”.
^ As. “Tabunihon ma bohim sian”.
^ As. “bahen”.
^ Manang “dang leas roham tu”.
