Psalmen 78:1-72
Maskil.* Sian si Asap.+
78 Ale bangsokku, tangihon ma parettakku.Denggan ma tangihon hamu hatakku.
2 Asa hupaboa sada uppasa.
Asa hupaboa tudos-tudos naung adong sian najolo.+
3 Akka naung hea tabege jala taboto,Na dipaboa akka omputta tu hita.+
4 Dang hutabunihon hami i sian akka anak ni nasida,Paboaonnami do i tu akka halak na so tubu dope+Paboaonnami ma taringot ulaon ni Jahowa na patut pujion dohot taringot huasona,+Paboaonnami ma taringot akka ulaonna na palongang roha.+
5 Dibahen Ibana do sipaingot tu si JakkobDilehon Ibana do patik tu halak Israel,Disuru Ibana do akka ompunamiPaboahon i sude tu akka gelleng ni nasida,+
6 Asa dohot pinoppar na naeng ro mamboto i sude,Jala dohot akka halak na so tubu dope mamboto i.+
Dung i paboaon ni nasida ma i muse tu akka gelleng ni nasida.+
7 Gabe pos ma roha ni nasida tu Debata.
Dang lupahonon ni nasida be akka pambahenan ni Debata,+Alai toktong ma nasida mangoloi akka parettana.+
8 Asa unang diihutton nasida akka ompu ni nasida,Akka halak sijogal rukkung jala na sai mangalo,+Akka halak na so hot* rohana+Jala na so setia tu Debata.
9 Adong do panah ni halak Epraim,Alai lari do nasida di ari parporangan.
10 Dang diingot nasida janji na binahen ni nasida tu Debata+Jala dang dioloi nasida patikna.+
11 Dilupahon nasida do akka na binahenna,+Akka pambahenanna na palongang roha na pinatuduna tu nasida.+
12 Hape nungnga dibahen Ibana akka ulaon na palongang roha di jolo ni akka ompu ni nasida,+Di tano Mesir, di luat Zoan.+
13 Dibola Ibana do laut i asa boi nasida mardalan,Jala dibahen Ibana ma jongjong aek i dos songon dinding.+
14 Dibahen Ibana do ombun tikki arian lao manogu-nogu nasidaJala dibahen Ibana do api tikki borngin asa tiur dalan ni nasida.+
15 Dibola Ibana ma dolok batu di gurun,Dilehon Ibana ma tu nasida godang aek dos songon aek ni laut,+ asa boi nasida minum sappe puas.
16 Dipakaluar Ibana ma aek sian dolok batuJala mardalan ma aek i dos songon aek ni sunge.+
17 Alai sai mardosa do nasida tu IbanaDialo nasida do Natumimbul i di gurun.+
18 Dialo nasida do Debata di bagasan roha ni nasida,+Dipangido nasida do sipanganon na dihalomohon nasida.
19 Dung i dialo nasida ma Debata,Didok nasida ma, “Boi haroa paradeon ni Debata sipanganon di gurun on?”+
20 Hape nungnga dibola Ibana dolok batuAsa kaluar aek na doras sian i.+
Alai didok nasida do muse, “Boi haroa lehononna roti tu hita,Boi haroa paradeonna jagal tu bangso on?”+
21 Tikki dibege Jahowa i gabe muruk ma Ibana tu nasida,+Diparo Ibana ma api+ lao manutung si Jakkob,Jala tarrimas ma Ibana tu Israel.+
22 Ai dang porsea nasida tu Debata,+Dang pos roha ni nasida na boi paluaonna nasida.
23 Gabe dilehon Ibana ma paretta tu langit na makkolom,Jala dibukka Ibana ma akka pintu ni langit.
24 Dung i turun ma manna lao allangon ni nasida,Dilehon Ibana do tu nasida sipanganon sian langit.+
25 Diallang nasida do roti na sian suru-suruan,*+Dilehon Debata do nasida mangan sappe butong.+
26 Marhite huasona diparo Ibana do alogo na sian timurJala dibahen Ibana do mangullus alogo na sian selatan.+
27 Diparo Ibana do godang jagal tu nasida dos songon orbuk,Diparo Ibana do pidong na godangna dos songon pasir di topi ni laut.
28 Dibahen Ibana do mardabuan i sude tu tonga-tonga ni perkemahan ni nasida,*Di sakaliling ni kemah ni nasida.*
29 Mangan do nasida sappe butong,Dilehon Debata do sude na dihalomohon nasida.+
30 Alai andorang so puas dope nasida,Tikki di baba ni nasida dope siallangon i,
31 Gabe muruk ma Debata tu nasida.+
Dipamate Debata ma akka halak na gogo na adong di tonga-tonga ni nasida,+Jala dipamate ma akka doli-doli ni halak Israel.
32 Nang pe songon i, sai mardosa dope nasida.+Dang porsea nasida tu akka pambahenanna na palongang roha.+
33 Gabe dipaujung Ibana ma ari-ari ni nasida na dos songon sangombus hosa,+Jala toppu ma diparo Ibana jea lao paujukkon ngolu ni nasida.
34 Alai molo dung dipamate Debata piga-piga sian nasida, dilului ma Debata.+Dilului ma Debata jala mulak ma nasida tu Ibana.
35 Diingot nasida ma Debata do Dolok Batu ni nasida+Jala Debata Natumimbul i do na manobus nasida.+
36 Alai digabusi nasida do Debata
Dipakke nasida do dila ni nasida lao margabus tu Ibana.
37 Dang hot roha ni nasida tu Debata,+Dang setia nasida tu parjanjian na binahen ni nasida tu Ibana.+
38 Alai parasi roha do Ibana,+Disesa Ibana do hasalaan ni nasida jala dang dibahen Ibana nasida hancur.+
Jotjot do ditahan Ibana murukna+Jala dang dipapuas Ibana rimasna.
39 Ai diingot Ibana do jolma nasida,+Dos songon alogo na mangullus do nasida na so mulak be.*
40 Jotjot do nasida mangalo Ibana di gurun,+Jala jotjot do haccit rohana dibahen nasida disi!+
41 Mulak-ulak do nasida manguji Debata,+Gabe haccit do roha ni Debata Nabadia ni Israel i dibahen nasida.
42 Dang diingot nasida balga ni huasona,Tikki dipalua* Ibana nasida sian akka musu.+
43 Dibahen Ibana do akka ulaon na balga di Mesir+Jala dibahen Ibana do akka halongangan* di luat Zoan.
44 Dibahen Ibana do aek ni Sunge Nil gabe mudar,+Gabe dang boi be halak Mesir manginum aek sian sunge i.
45 Diparo Ibana do godang lanok lao mambahen nasida susa,+Jala diparo Ibana do akka katak lao manegai tano ni nasida.+
46 Diparo Ibana do akka sihapor* na mokkus lao mangallangi hasil panen ni nasida,Jala manegai parbue ni suan-suanan ni nasida.+
47 Diparo Ibana do udan es+ lao manegai hau anggur ni nasida,Jala diparo Ibana do udan batu lao manegai hau ara ni nasida.
48 Gabe marmatean ma binatang ni nasida na di luar alani udan es i,+Jala diparo Ibana ma sillam lao pamatehon akka binatang na dipiaro nasida.
49 Gabe muruk ma Ibana tu nasida,Dibahen Ibana ma nasida susa alani murukna dohot rimasna,Jala disuru Ibana ma akka suru-suruan parohon jea tu nasida,
50 Dang maralang-alang murukna tu nasida.
Dang dipalua Ibana nasida sian hamatean,Jala diparo Ibana do sahit lao pamatehon nasida.
51 Ujungna, dipamate Ibana ma sude anak siakkangan ni halak Mesir,+Dipamate Ibana ma akka anak na parjolo tubu* di kemah ni halak Ham.
52 Dung i diboan Debata ma bangsona kaluar dos songon punguan ni biru-biru,+Jala ditogu-togu ma nasida di gurun dos songon punguan ni akka binatang.
53 Saleleng ditogu-togu Debata nasida, aman do dihilala nasida,Dang adong sihabiaran ni nasida,+Jala diauppon do musu ni nasida tu laut.+
54 Diboan Ibana ma nasida tu luat na badia i,+Tu inganan na mardolok-dolok naung ditaluhon Ibana marhite tanganna na gogo i.+
55 Diusir Ibana do akka bangso sian jolo ni nasida,+Dibagi Ibana do parbagianan ni nasida,+Jala dibahen Ibana do akka marga ni Israel tinggal di jabu ni nasida be.+
56 Alai sai diuji nasida do Debata Natumimbul i, jala dialo nasida do Ibana,+Dang olo nasida mamparrohahon akka sipaingotna.+
57 Ditinggalhon jala dihianati nasida do Ibana dos songon na binahen ni ompu ni nasida,+
Dang tarharappon be nasida dos songon tali ni panah na kendor.+
58 Gabe haccit do rohana alani akka inganan panombaon* ni nasida,+Jala gabe tarrimas* do Ibana alani akka patung ni nasida.+
59 Diida Debata do i jala muruk ma Ibana,+Gabe ditinggalhon Debata ma halak Israel.
60 Jala ditinggalhon Ibana do tabernakelna na di Silo,+Kemah ingananna di tonga-tonga ni jolma.+
61 Diloas Ibana do diboan akka musu poti parpadanan i,Dipasombu Ibana do dibuat tanda ni hasangaponna dohot huasona i.+
62 Diloas Ibana do dipamate bangsona i mamakke podang,+Gabe muruk do Ibana tu bangso na pinillitna i.
63 Ditutung ma akka doli-doli,Jala dang adong be na marende tikki muli anak boru.*
64 Dipamate ma akka malim mamakke podang,+Alai dang tangis akka istri ni nasida.+
65 Ujungna dungo ma Jahowa songon halak na dungo sian na modom,+Songon bawa na gogo+ na dungo dung minum anggur.
66 Ditaluhon Ibana ma akka musuna,+Jala dibahen Ibana ma nasida maila saleleng ni lelengna.
67 Ditinggalhon Ibana do kemah ni si Josep,Jala dang dipillit Ibana marga Epraim.
68 Alai marga Juda do na dipillit Ibana,+Dipillit Ibana do Dolok Sion na dihaholongi Ibana.+
69 Dibahen Ibana do hot ingananna na badia i dos songon langit,+Dos songon tano on na hot saleleng ni lelengna.+
70 Dipillit Ibana do si Daud+ naposona,Jala diboan do ibana sian kandang ni biru-biruna,+
71 Diboan do ibana sian kandang ni inang ni biru-biru na manusui,Jala dibahen do ibana gabe parmahan ni si Jakkob bangsona,+Parmahan ni saluhut Israel bangso na pinillitna i.+
72 Diparmahan si Daud do nasida sian nasa rohana,+Jala malo do ibana manogu-nogu nasida.+
Surat na di toru
^ As. “na so paradehon”.
^ As. “sian akka na gogo i”.
^ As. “perkemahanna”.
^ As. “kemahna”.
^ Manang boi do “Mago do hosa ni nasida jala dang mulak be”.
^ As. “ditobus”.
^ Manang “mukjizat”.
^ Manang “belalang”.
^ Manang “akka anak mula ni hagabeon”.
^ Manang “cemburu”.
^ As. “dang dipuji be akka boruna”.
