BAGIAN 4
Ditangihon Nasida do Sibolis—Aha Akibatna?
Ala mangalo si Adam dohot si Hawa tu Debata, gabe mate ma nasida. 1 Musa 3:6, 23
Ditangihon si Hawa do hata ni ulok i jala diallang ma parbue ni hau i. Dilehon ibana do deba tu si Adam jala diallang si Adam ma.
Gabe mardosa ma nasida. Diusir Debata ma nasida sian Taman Eden.
Gabe susa ma ngolu ni nasida dohot akka ianakkonna. Gabe matua ma nasida jala mate. Dung mate, dang tu surgo nasida manang tu narokko, alai dang adong be nasida.
Songon tano do halak na mate, dang marhosa. 1 Musa 3:19
Ala pinoppar ni si Adam dohot si Hawa do hita, gabe mate ma hita. Dang boi be halak na mate mangida, mambege, manang mangulahon manang aha pe.—Parjamita 9:5, 10.
Dang lomo roha ni Jahowa mate jolma i. Satokkin nai, bahenonna ma mulak mangolu akka halak na mate. Jala molo dioloi nasida Debata, boi ma nasida mangolu saleleng ni lelengna.
Mungkin Lomo do Rohamuna Mamboto
AJARAN NI BIBEL NA PENTING
Aha do na Masa tu Halak Naung Mate?
Bibel mandok lao dipahehe manang mangolu do muse halak naung mate songon na masa tu si Lasarus.
AJARAN NI BIBEL NA PENTING
Boasa Dipaloas Debata Masa Hasusaan?
Adong do alusna di Bibel jala boi do i mangapuli rohatta.
BIBEL—AHA DO ISINA?
Paradeiso gabe Mago
Tingki diuhum Debata si Adam dohot si Hawa, aha do pangkirimon na diparade Debata?
