Dongan Sahaporseaon na Hinaholongan,

Holongta tu Debata dohot tu akka halak manjujui hita mangulahon na didok ni Bibel, “Lao ma hamu, bahen hamu ma saluhut halak sian nasa bangso gabe siseanku. Didi hamu ma nasida.” (Mat. 28:​19, 20; Mrk. 12:​28-31) Molo adong holong sisongon i di hita, boi ma hita mangurupi akka “halak na marpangalaho na denggan na mambahen nasida tama mandapot hangoluan saleleng ni lelengna”.—Ul. 13:48.

Di tikki naung salpu, fokus do hita menghapal hata na lao sidohonotta dohot maninggalhon publikasi tikki marbarita na uli. Alai saonari porlu do hita meningkatton keterampilanta makkata-hatai tu akka halak. Lomo do rohatta patuduhon holong tu halak na asing marhite makkata-hatai taringot akka topik na menarik di nasida. Maksudna ikkon lentuk do hita jala manat mamparrohahon akka na menarik dohot na dipikkirhon nasida. Songon dia do brosur on mangurupi hita mangulahon i?

Brosur on marisi 12 parsiajaran na mambahas akka sifat na porlu asa boi tapatudu holong jala mambahen sisean. Ganup parsiajaran dibuat sian na disurat Bibel taringot sada sifat na dipatudu Jesus manang halak Kristen di abad na parjolo. Tujuanna asa unang holan menghapal aha na lao sidohonotta, alai asa taboto do carana patuduhon holong tu akka halak. Memang sude sifat na lao tabahas on porlu do tapatudu di ulaon marbarita. Alai tabahas ma sifat-sifat tertentu na porlu tikki mamulai pakkataion, manjuppangi muse, manang tikki memandu parsiajaran Bibel.

Tikki dijaha hamu ganup parsiajaran on, denggan ma pikkirhon hamu songon dia carana patuduhon sifat i tikki makkata-hatai tu akka halak di daerahmuna. Berupaya ma hamu patuduhon holongmuna tu Jahowa dohot tu akka halak. Ingot ma, uppetting do patuduhon holong sian keterampilan aha pe di ulaon marbarita. Jala on ma na mangurupi hamu asa marhasil mambahen sisean.

Sada hasangapon do di hami boi rap dohot hamu manomba Jahowa. (Sep. 3:9) Sai anggiat ma torus dipasu-pasu Jahowa upayamuna lao makkaholongi akka halak jala mambahen sisean!