KOTAK PARSIAJARAN 19B
Aek na Gabe Sunge na Doras!
Mardalan ma si Hesekiel di sunge i mangihutton aek na mardalan sian inganan na badia na di bagas joro i. Alai dung hira-hira dua kilometer, lam doras ma aek i mardalan! Di topi ni sunge i tubu do akka hau na balga. Parbuena boi diallang jala bulungna boi gabe ubat. Aha do lapatanna?
Sunge na Parohon Pasu-Pasu
NAJOLO: Dung mulak halak Jahudi na ditawan i tu huta ni nasida, dohot do nasida padenggatton ibadat na sittong di bagas joro. Alani i, godang ma pasu-pasu dapot ni nasida
DI TIKKINTA: Dung dipadenggan ibadat na sittong taon 1919, lam godang ma pasu-pasu dilehon Jahowa tu naposona na setia
DI ARI NA NAENG RO: Dung Armagedon, pasu-pasu na sian Jahowa dang holan mambahen togu parale-aleotta tu Debata, alai boi mambahen dagingta sempurna
Aek Hangoluan
NAJOLO: Massai godang do pasu-pasu dilehon Jahowa tu naposona ala dioloi nasida Ibana. Dipatudos do nasida songon halak na mulak mangolu, ala boi muse marale-ale tu Debata
DI TIKKINTA: Dung lam dipasu-pasu Jahowa ibadat na sittong, lam martamba ma godang ni halak na andapot manfaat sian sipanganon na boi patoguhon parale-aleon ni nasida tu Debata
DI ARI NA NAENG RO: Akka halak na selamat sian Armagedon marsada dohot marmilliar halak na dipahehe jala manjalo godang situtu pasu-pasu sian Jahowa
Parbue ni Hauna Boi Diallang jala Bulungna Boi Gabe Ubat
NAJOLO: Dung dipadenggan Jahowa luat ni naposona, dipamalum ma nasida, dilehon ma sipanganon na boi patoguhon parale-aleon ni nasida muse tu Debata
DI TIKKINTA: Diparade do massai godang sipanganon na boi patoguhon parale-aleon ni naposona asa boi torus marale-ale tu Debata, asa unang marsahit songon halak na di portibi on
DI ARI NA NAENG RO: Urupan ni Kristus rap dohot 144.000 donganna raja i do sude halak asa gabe sempurna jala sehat salelengna!
