Pasti hea do diida si Hesekiel akka patung lombu jantan na balga dohot patung ni singa na manjaga pintu masuk ni istana manang kuil. Biasana, ulu ni patung i ulu ni jolma jala adong habongna. Najolo jotjot do adong patung sisongon i di Asiria dohot di Babel. Longang do roha ni sude halak na mangida patung i, termasuk ma si Hesekiel. Alana timbo ni patung i boi do sappe hampir 6 meter. Nang pe idaon massai gogo patung i, holan patung na dibahen sian batu do i.

Alai asing do i tu na di parnidaan ni si Hesekiel. Alana “suru-suruan” do opat kerubim na di parnidaanna i. Massai longang do roha ni si Hesekiel mangida i, sappe lobi sian sappulu hali didok ibana hata “suru-suruan” di mula ni surirangna i. (Hes. 1:5-22) Diida ibana do muse suru-suruan na opat i, rap mardalan tusan tuson di toru ni tahta ni Debata i. Alani on ma gabe didok si Hesekiel, Jahowa do na mengendalihon sude toppaanna i. Jala saonari pe sian parnidaan i, boi do taida na massai hebat, mulia, jala na tama Jahowa mamaretta tu sude toppaanna.​—1 Kron. 29:11.