Sipata, olo do dang sanggup be tahilala mangadopi tekanan dohot tantangan na ro. Olo do gabe dang semangat be hita manang maol tahilala manomba Jahowa. Alai sian surirang taringot janji ni Debata lao padenggatton i, taboto ma sanggup do Jahowa mambahen mulak mangolu holi-holi ni akka na mate. Jadi pasti sanggup do Jahowa mangalehon tu hita gogo asa boi taadopi sude tantangan, termasuk ma akka tantangan na hira so mungkin boi taadopi.​—Jaha Psalmen 18:29; Plp. 4:13.

Marratus taon andorang so tikki ni si Hesekiel, hea do didok si Musa molo Jahowa i dang holan sanggup, alai lomo do rohana mamakke huasona lao mangurupi naposona. Songon on do disurat si Musa, “Debata do inganan marlinggom sian najolo, tanganna na manoktong i do na manogu-nogu ho.” (5 Mus. 33:27) Jadi pos ma rohatta molo taandalhon Jahowa tikki susa hita, urupanna do hita. Seolah-olah bahenonna do tanganna mangangkat hita, toguonna do hita, jala urupanna do hita asa margogo muse.​—Hes. 37:10.