KOTAK PARSIAJARAN 20A
Pembagian ni Luat na Dijanjihon
Dibege akka tawanan i ma naung ditottuhon akka batas di huta ni nasida. On paposson roha ni nasida molo luat i pasti dipadenggan. Aha do parsiajaranna tu hita saonari? Taida ma dua sian parnidaan on:
Inganan na aman dohot tugas na massai penting
Sude halak na ditawan na mulak i mandapot tano warisan di Luat na Dijanjihon. Dos songon i ma saonari, sude do naposo ni Debata mandapot tugas di organisasi ni Jahowa. Sude do naposona i arga di jolo ni Debata. Jadi dang soal sadia balga na taulahon, hita adong di inganan na aman di organisasina jala tugas na taulahon i massai penting do.
Dibagi dos tano i
Di parnidaan ni si Hesekiel, dang soal didia halak Israel na mulak i tinggal di Luat na Dijanjihon, sarupa do hasil tano inganan ni nasida. Dos songon i ma saonari, dilehon Jahowa do kesempatan na sarupa tu sude naposona asa boi mandapot pasu-pasu sian Ibana.
