1.  Ise do Babel na Balga i?

2.  Nandigan do Haroro ni Messias?

3.  Perawatan Kesehatan na Mamakke Mudarta Sandiri

4.  Padao-dao

5.  Akka perayaan

6.  Sahit na Menular

7.  Masalah Bisnis dohot Hukum

 1. Ise do Babel na Balga i?

Sian dia do taboto “Babel na Balga” i manggombarhon sude agama na so sittong? (Pangungkapon 17:5) Taida ma piga-piga alasanna:

• Dirajai ibana do saluhut portibi on. Didok do Babel na Balga i hundul di ginjang ni ‘akka bangso dohot akka jolma’. Jala dirajai ibana do “akka raja na di tano on”.—Pangungkapon 17:15, 18.

• Dang organisasi politik manang organisasi perdagangan ibana. Tikki dihancurhon ibana, selamat do “akka raja na di tano on” dohot “akka partiga-tiga”.—Pangungkapon 18:9, 15.

• Dang dipasangap ibana Debata. Digoari do ibana boru-boru na so hasea, alana olo do ibana bekerja sama tu pamaretta asa dapotan hepeng dohot akka na asing. (Pangungkapon 17:1, 2) Dililuhon ibana do sude halak na di tano on. Jala godang do halak na mate alani ibana.—Pangungkapon 18:23, 24.

Mulak tu pelajaran 13 nomor 6

 2. Nandigan do Haroro ni Messias?

Didok Bibel, adong 69 minggu lelengna sahat tu na ro Messias.—Jaha Daniel 9:25.

• Nandigan do 69 minggu i dimulai? Taon 455 SM. Di tikki i ma sahat Gubernur Nehemia tu Jerusalem lao “pajongjokkon jala padenggatton” kota i.—Daniel 9:25; Nehemia 2:1, 5-8.

• Sadia leleng do 69 minggu i? Saminggu lelengna pitu ari. Jadi 69 minggu (69 x 7 ari) i ma 483 ari. Adong do piga-piga hatorangan ni Bibel na mandok, sarupa do sadari tu sataon. (4 Musa 14:34; Hesekiel 4:6) Jadi 483 ari sarupa ma i tu 483 taon.

• Nandigan do 69 minggu i marujung? Molo taetong 483 taon sian taon 455 SM, marujung ma i di taon 29 M. a Di tikki i ma Jesus tardidi jala gabe Messias!—Lukas 3:1, 2, 21, 22.

Mulak tu pelajaran 15 nomor 5

 3. Perawatan Kesehatan na Mamakke Mudarta Sandiri

Adong do piga-piga perawatan kesehatan na mamakke mudarta sandiri na so boi dijalo halak Kristen. Contohna mendonorkan darah manang manippan mudarta sandiri sebelum operasi.—5 Musa 15:23.

Alai adong do piga-piga perawatan kesehatan na ikkon hamu sandiri na mamutusson. Contohna, periksa darah, hemodialisis, hemodilusi, mamakke mesin penyelamat sel manang mesin pengganti fungsi jantung dan paru-paru. Jala hamu sandiri do na mamutusson songon dia carana mudarmuna i dipakke tikki adong prosedur medis, pemeriksaan medis, manang terapi na terbaru. Olo do ra dang sai sarupa cara ni tiap dokter mangulahon on. Jadi sebelum dioperasi hamu, menjalani pemeriksaan medis, manang terapi na terbaru, porlu do takkas diboto hamu boha do cara ni akka dokter menangani mudarmuna. Pikkirhon ma sukkun-sukkun on:

• Boha molo dipakaluar deba mudarhu mamakke mesin jala dang mardalan mesin i satokkin? Molo dipamasuk muse i tu dagingku ala huhilala mudarhu dope i jala dang porlu diusehon “tu tano”, boha do hati nuranikku?—5 Musa 12:23, 24.

• Boha molo adong prosedur medis na mambuat mudarhu, jala dimodifikasi mudarhi dung i dipamasuk muse tu dagingku? Terganggu do hati nuranikku manang na dang?

Mulak tu pelajaran 39 nomor 3

 4. Padao-dao

Di Bibel, diorai do suami dohot istri padao-dao. Molo tung pe ikkon padao-dao nasida, dang boi adong sian nasida na menikah tu na asing. (1 Korint 7:10, 11) Nang pe songon i, adong do piga-piga situasi na mambahen halak Kristen padao-dao.

• Dang dibalanjoi: Dang olo suami mambalanjoi keluargana sappe dang adong be allangon ni keluargana manang hepeng ni nasida.—1 Timoteus 5:8.

• Dianiaya: Dianiaya pasanganna ibana sappe marsahit manang sappe naeng mate.—Galatia 5:19-21.

• Diorai manomba Jahowa: Gabe dang boi be ibana manomba Jahowa ala diorai manang diancam pasanganna.—Ulaon ni Apostel 5:29.

Mulak tu pelajaran 42 nomor 3

  5. Akka perayaan

Dang boi dohot halak Kristen mangarayahon perayaan na so dihalomohon Jahowa. Alai tikki mambahen keputusan taringot piga-piga situasi tikki adong perayaan, ikkon diihutton halak Kristen do hati nuranina naung dilatik Bibel. Taida ma piga-piga contohna.

• Molo adong halak na mandok ucapan selamat tu hamu. Contohna molo adong halak na mandokkon “Selamat hari Natal”, “Selamat Tahun Baru”, “Selamat ulang tahun” manang na asing, boi do holan didokkon hamu “Mauliate”. Alai molo adong kesempatan, boi do dipatorang hamu boasa dang dohot hamu mangarayahon i.

• Molo diajak pasanganmuna na so Saksi Jahowa hamu rap mangan dohot keluarga tikki adong perayaaan. Molo naeng lao hamu ala dang terganggu hati nuranimuna, ikkon makkatai do hamu sebelumna tu pasanganmuna. Ikkon dipaboa hamu do molo adong disi kebiasaan na maralo tu Hata ni Debata, dang dohot hamu mangulahon i.

• Molo dilehon bosmuna bonus tikki hari Natal manang hari raya. Ikkon ditolak hamu do bonus i? Hamu ma na mamutusson. Alai ikkon jolo dipastihon hamu do boha pandangan ni bosmuna taringot bonus i. Molo dijalo hamu bonus i, dianggap ibana do hamu dohot mangarayahon perayaan i? Manang dianggap ibana do bonus i holan naeng mandok mauliate tu hamu ala nungnga kerja keras hamu saleleng on?

• Molo adong na mangalehon hadiah tu hamu tikki adong perayaan. Adong do halak alani burju ni rohana, tetap do ibana olo mangalehon hadiah tu hamu tikki adong perayaan, nang pe diboto ibana dang dohot hamu mangarayahon i. Alai adong do halak na mangalehon hadiah ala naeng manguji haporseaonmuna, manang naeng menjebak hamu asa dohot mangarayahon perayaan i. Jadi porlu do dipikkirhon hamu situasina sebelum diputusson hamu naeng dijalo hamu do hadiah i manang na dang. Alai keputusan aha pe na dibahen hamu, ikkon dijaga hamu do hati nuranimuna jala ikkon setia do hamu tu Jahowa.—Ulaon ni Apostel 23:1.

Mulak tu pelajaran 44 nomor 1

 6. Sahit na Menular

Ala holong rohatta tu akka donganta, pasti dang olo hita bali sahitta tu na asing. Jadi molo nungnga taboto na marsahit hita, jala taboto boi bali sahitta i tu na asing, ikkon manat ma hita. Taingot ma hata na tarsurat di Bibel na mandok, “Ikkon haholonganmu do donganmu jolma doshon dirim.”—Rom 13:8-10.

Boha do carana mangulahon na didok ayat on? Molo marsahit sasahalak jala diboto ibana boi bali sahitna i tu na asing, unang ma dihaol manang diumma ibana na asing. Unang ma haccit rohana molo dang olo dongan na asing mangundang ibana tu jabu ni nasida. Jala sebelum tardidi ibana, ikkon dipaboa ibana do tu akka sintua taringot sahitna i. Dung i boi ma akka sintua mambahen pengaturan asa unang bali sahitna i tu akka dongan na asing na lao tardidi. Jala molo naeng marhallet ibana, ikkon olo do ibana sebelumna menjalani pemeriksaan darah. Molo diulahon ibana i sude, on patuduhon na holong do rohana tu akka dongan na asing. Jala on patuduhon na diingot ibana do hata na tarsurat di Bibel na mandok, “Unang ma holan mamparrohahon na porlu di hamu, alai parrohahon ma na porlu di na asing.”—Pilippi 2:4.

Mulak tu pelajaran 56 nomor 2

 7. Masalah Bisnis dohot Hukum

Molo tabahen tarsurat sude urusan bisnista termasuk tu dongan sahaporseaon, boi do on mencegah asa unang adong masalah di pudian ni ari. (Jeremia 32:9-12) Alai nang pe songon i, olo do sipata adong masalah ni halak Kristen dohot dongan sahaporseaonna alani hepeng manang alani masalah na asing. Molo songon i na masa, ikkon hatop do nasida pasaehon parsoalan i. Unang ma dipaboa-boa i tu na asing jala ikkon berusaha do nasida asa mardame.

Alai boha ma molo adong masalah na serius songon penipuan manang adong na memfitnah hamu? (Jaha Mateus 18:15-17.) Dipaboa Jesus do tolu langkah na ikkon taihutton:

1. Pasae hamu sandiri ma masalah i.—Ida ayat 15.

2. Molo dang sae dope, pangido ma sada manang dua dongan na togu haporseaonna lao mangurupi hamu.—Ida ayat 16.

3. Molo tong dope dang sae masalah i, baru pe boi hamu makkatai tu sintua.—Ida ayat 17.

Unang ma taboan akka donganta tu pengadilan lao pasaehon masalah. Alana boi do i mambahen gabe marlea goar ni Jahowa dohot akka dongan di huria. (1 Korint 6:1-8) Alai adong do memang piga-piga masalah na ikkon dipasae secara hukum. Misalna parsirangan, hak asuh anak, pembayaran tunjangan, klaim asuransi, kebangkrutan, manang taringot surat wasiat. Molo adong halak Kristen na pasaehon akka masalah on tu pengadilan, dang na mangalo Hata ni Debata ibana disi.

Songon i ma tong molo adong kasus kejahatan songon pemerkosaan, pelecehan anak, penyerangan, manakko manang mambunu. Molo adong halak Kristen na melaporhon kejahatan sisongon i tu pihak berwajib, dang na mangalo Hata ni Debata ibana.

Mulak tu pelajaran 56 nomor 3