Pingkirhon ma angka na mambege. Rimangi ma molo masa tu hamu angka hasusaan na diadopi nasida, asa boi dihilala hamu songon dia pangkilalaan ni nasida.

Pillit ma hata na denggan. Pangke ma hata na patoguhon jala na mambahen dame roha ni angka na mambege. Unang ma bahen jut roha ni nasida jala unang songon na manguhumi. Unang ma tahatai taringot agama ni halak na asing dohot haporseaon ni nasida.

Patudu ma holong. Lambok ma mangkatai jala patudu ma sian gerakmuna na holong do rohamuna tu nasida. Asing ni i ringkot do senyum.