Pingkirhon ma tujuan ni jamita i. Adong do jamita na tujuanna laho patorangkon, paposhon roha, manang manjujui angka na mambege asa mangulahon poda na sian Bibel. Jadi pasahat ma jamitamuna hombar tu tujuanna. Tangkas ma paboa pokok utamana asa diboto nasida tujuan ni jamitamuna.

Paboa ma tema ni jamitamuna. Saleleng marjamita, paboa ma tema ni jamitamuna marhite piga-piga hali paboahon hata na hombar tu tema i.

Bahen ma pokok utama i tangkas jala mura antusan. Pillit ma pokok utama na adong hubunganna tu tema ni jamitamuna, jala na boi dipasahat hamu saleleng tingki naung ditontuhon. Unang pagodanghu pasahathon hatorangan, alai tangkas ma paboa ganup pokok utamana. Dung sae paboahon sada pokok utama, so ma hamu satongkin andorang so manguduti tu bagian na mangihut.