Pingkirhon ma aha do naung diboto nasida. Unang ma holan paboahon hatorangan naung diboto nasida. Alai urupi ma nasida mandapot parsiajaran na asing sian hatorangan i, na so hea dope tarpingkir ni nasida.

Denggan ma parade jala rimangi. Tingki paboahon bagian na ringkot, bahen ma hatoranganmuna menarik jala na so hea dope tarpingkir ni nasida. Manang paboa ma na masa baru-baru on. Alai denggan ma i parade, asa boi diboto hamu pas do i tu hatoranganmuna manang na ndang.

Paboa ma laba ni hatoranganmuna. Patorang ma laba ni ayat na diulas hamu tu ulaon ni nasida siganup ari. Paboa ma hubungan ni ayat i tu situasi dohot ulaon na jotjot diulahon nasida.