Pangke ma hatorangan na boi dihaporseai. Pasahat ma hatorangan na sian Bibel. Molo cocok situasina, jahahon ma langsung sian Bibel. Alai, molo naeng dipasahat hamu hatorangan sian sada barita, pengalaman, manang taringot ilmu pengetahuan, pastihon ma na sintong do hatorangan i jala boi dihaporseai.

Parsiajari ma jo hatorangan i. Asa boi denggan patorangkon ayat, ingkon tangkas do diboto hamu aha na dipangido Jahowa di ayat i. Jala ingkon hombar do i tu ayat na asing dohot tu hatorangan naung diparade “naposo haposan jala na marbisuk”. (Mat. 24:45) Molo dipangke hamu hatorangan na so sian organisasinta, ingkon tangkas do diboto hamu na tinuju ni hatorangan i.

Martungkar pingkiran ma dohot nasida. Dung dijahahon hamu sada ayat manang hatorangan, bahen ma sungkun-sungkun manang tudosan asa boi diantusi nasida hatoranganmuna.