Di bagian on ma parjolo sahali dipaboa angka cerita na adong di Perjanjian Baru. Ndang sian keluarga na mamora Jesus jala di huta-huta do ibana tinggal. Tukang hau do bapakna jala diurupi ibana do bapakna. Jesus do na dipillit Jahowa laho paluahon jolma. Jala dipillit do ibana gabe Raja di Harajaon ni Debata. Hamu angka natua-tua, urupi ma gellengmuna mamboto halak na burju do dipillit Jahowa na laho gabe keluarga ni Jesus. Paboa ma na dijaga Jahowa do Jesus asa unang dibunu si Herodes. Jala ndang adong na boi mangambati lomo ni roha ni Jahowa. Paboa ma muse songon dia Jahowa manuru si Johannes paboahon na laho ro do Jesus. Patudu  ma na lomo do roha ni Jesus mangulahon poda ni Jahowa nang pe poso dope ibana.